Itie ku yioyic ma tek rukani i lembang’ola pa Yehova?

Yocuwa giku Suleman zoo giyero nia lembe ceke ma Yehova ung’olo, ugam upong’o kubang’e kubang’e. (Yc 23:14; 1Ub 8:56) Lembatuca ma piemere ngo mi dhanu ario maeno ma gineno kite ma Yehova upong’o ko lembang’ola pare utie iwa ther ukungu mi yioyic.​—2Ko 13:1; Tt 1:2.

I rundi pa Yocuwa, Yehova ugam upong’o lembang’ola pare nenedi? Wunen karacelo ku juruot peri tuko mi video ma thiwie tie ‘Pas une seule parole n’a failli.’ I ng’eye, wudwok wang’ penji ma e: (1) Icopo nilubo timo mi yioyic pa Rahab nenedi? (Eb 11:31; Yk 2:24-26) (2) Lembe m’utimo Akan ubenyutho nenedi nia turo cik pa Yehova akakaka ketho junwang’u matoke marac? (3) Pirang’o dhanu mi Gibeon giwondo Yocuwa e giketho kwiocwiny ikindgi ku Israel ma ke gibino jurukara? (4) Lembe pa Yehova ugam upong’o kakare kakare nenedi kinde ma rwodhi abic mi Juamori gigam giroko Juisrael? (Yc 10:5-14) (5) Yehova utimo iri lembang’o maber pilembe ibeketho Ker pa Mungu man bedopwe pare i kabedo ma kwong’a i kwo peri?​—Mt 6:33.

Ka wabenyamu i lembe ceke ma Yehova utimo, ubetimo man ma ebitimo iwa, yioyic mwa i lembang’ola pare bidoko tek lee mandha.​—Rm 8:31, 32.