KWO MI JUKRISTU
Icopo doko ng’atu ma ponjo Biblia aketha cwinye nenedi?
Nyo imaru igwok bedoleng’ peri i saa mi ragedo calu Daniel? Daniel ubed uponjo Lembe pa Mungu aketha cwinye, kadok lembila ma dongo dongo. (Dn 9:2) Niponjo Biblia aketha cwinyi copo nikonyi igwok bedoleng’ peri. Nenedi? Ecopo medo yioyic peri i lembang’ola pa Yehova nia gibipong’o ceke kakare kakare. (Yc 23:14) Ecopo konyi bende kara imed mer peri m’imaru ko Mungu, eno bimio iri amora kara itim gin maber. (Zb 97:10) Dong’ icopo caku ponjine nenedi? Kelub lembe ma jurieyo e.
Gin m’acikara niponjo: Ng’iyo maber mi ponjo piny uketho i ie niyiko coko ma tung’ tung’ mi cokiri. Som mi Biblia ma kubang’ yenga bikonyi lee, tekene ibekoyo saa mi timo sayusac iwi lembe m’inyang’ i ie ngo. Jumoko ging’io niponjo lembila mi Biblia i thuthne, niponjo thenge ma tung’ tung’ mi nying’ tipo pa Mungu, niponjo iwi wotho pa jakwenda Paulo i tic pare mi misioner, kunoke niponjo iwi giracwia pa Yehova. Ka penji moko uwok i wii ikum lembe mi Biblia, kiew penjine kara ipange i program mi ponji peri mi nindo m’ulubo.
Kaka m’aromo nwang’u i ie lembe ma tung’ tung’. Tek imaru, nen video Jamtic ma tung’ tung’ pi sayu lonyo mi tipo. Pi nimio ava i kumi, cak niponjo iwi ker ma dongo mi ng’om zoo, ma junyuthogi ku yedi i buku pa Daniel thek 7.
Acikara nitimo ponji para pi saa ma rukani? Niponjo Biblia wang’ mapol konyojo nibedo ku leng’kum i thenge mi tipo. Icopo caku niponjo pi saa ma nyanok, man i ng’eye icopo caku medo saane nok nok. Niponjo lembe pa Mungu tie ve nigolo lonyo m’upondo, kan ibenwang’u lonyone, ifogole dong’ magwei! (Rie 2:3-6) Ava lembe pa Mungu bimedere ameda i kumi man niponjo Biblia nja bibedo iri ni ng’iyo.—1Pe 2:2.
YEDI MI BUKU PA DANIEL THEK 7 UBENYUTHO ANG’O?
PENJI MANGE:
Giragora pa Daniel 7:8, 24 upong’o nenedi?
PI PROGRAM MA CEN:
Yedi mi buku mi Lembanyutha thek 13 ubenyutho ang’o?