Niai i dwi mir 9, jubimedo i Buku mi coko mi Kwo man tic mwa mi Jukristu, kite manyen ma waromo nimio ko girasoma ni dhanu; thiwie bibedo, “Ponj lemandha.” Wabitio ku penji acel man giragora acel pi niketho peko iwi lemandha mir ukungu mi Biblia.

Ka waneno nia ponji utelo nen pa ng’atu ma waberweyo ire, wacopo weko ire girasoma moko, kunoke wacopo nyutho ire video mi jw.org, pi niweko lembe ma wabiweco i wie nindo macen. Wacikara niii nidok i liewne ikind nindo ma ceng’ini pi niweco iwi lembe ma waweko. Kite maeno manyen ma waromo nimio ko girasoma man thengponji ma jubed jumio ni awiya mi somo, bijengere iwi buku Biblia ubeponjowa ku lembang’o? I buku maeno wacopo nwang’u penji man giragora mange matung’ tung’ ma romo konyowa pi niweko liew mi nindo macen kunoke pi nitelo wi ponji ku Biblia kende kende.

Yo tie acel kende ma terojo i kwo. (Mat 7:13, 14) Calu ma wabed waweco ku dhanu mi dini man mi suru matung’ tung’, wacikara niyero lemandha mi Biblia ma copo telo nen pa ng’atuman acel acel. (1Tim 2:4) Ka wabemedara nitio ku thiwiwec matung’ tung’ m’ucungo iwi Biblia, man wabemedo bodho mwa mi “[tio] ku lembe mandha cuu,” anyong’a mwa bimedere man dhanu gibitundo ninyang’ maber i lemandha ma wabeponjo igi.​—2Tim 2:15.

Dhanu mi ng’om zoo gitie ku yeny mi nwang’u jukojuk. (Ekl 4:1) Ikind dwi mir 9 zoo, wabitimo kero mwa ceke pi nimio gazeti La Tour de Garde ma bibedo ku thiwiwec maber ma mio jukojuk. Pieno, mii gazeti maeno lee ni dhanu. Ento, wabiweko ngo gazetinine ni dhanu ma gimbe i pacu pilembe wabed wamaru niweco ku dhanu dhok ku dhok pi nijuko cwinygi.

ICOPO YERO KUMAE

“Saa moko, wan ceke wabedo ku yeny mi jukojuk. Re wacopo nwang’u jukojukne kani? [Som 2 Jukorinto 1:3, 4.] Gazeti La Tour de Garde maeni unyutho kite ma Mungu bemio ko iwa jukojuk ma kumeno.”

Ka ng’atune unyutho nen maber man eyio gazeti, . . .

KETH ENEN VIDEO PIRANG’O UKWAYU NIPONJO BIBLIA?

Ing’eye, cak kude ponji mi Biblia.

NYUTH IRE LEMBE MA WUBIWECO I WIE NINDO M’UBINO

Penje ku penji moko m’ibidwoko wang’e i liew mi nindo macen, calu ve “Pirang’o Mungu uweko dhanu gibesendiri?”