Wacikara nitimo ang’o pi nibedo julub pa Yesu?

9:62

I rundi ma con, kara lak kwer pa jarafur uwoth atira m’umbe nigom, ecikere ngo niweko lembe m’i ng’eye uwing wie. Kumeno bende, Jakristu ucikere ngo niweko lembe d’edaru wenjo i ng’om maeni ma rac uwing wie.​—Flp 3:13.

Ka wabekadhu kud i peko, ecopo bedo yot nicaku paru nia kwo mwa ubedo ber dit ma nwang’u fodi wamondo ngo i lemandha. Wang’ mapol ka wabeparu kumeno, waketho wiwa akeca iwi mutoro ma wabino ko man wacaku neno ngo peko ma wakadhu i ie. Eno tie tap lembe ma nyithindho mir Israel gigam gitimo kinde ma giweko Misiri. (Wl 11:5, 6) Ka waweko paru ma kumeno i wiwa, waromo caku mito nia wadok i kit kwo mwa ma con. Pieno etie ber ma gwei nia wabed wapar akecane iwi mugisa ma watie ko tin eni, man waketh wiwa zoo iwi mutoro m’ubekurowa i nindo m’ubino i the Ker pa Mungu.​—2Ko 4:16-18.