Yesu utho pir umeru bende

Yesu uthiero kwo pare pi dhanu ma gileng’ ungo. (Rm 5:8) Ma jiji mbe, watie ku foyofoc lee dit pi mer ma Yesu unyutho iwa, uketho emio kwo pare piwa. Ento ukwayu saa moko wapoi nia etho pir umegwa bende. Wacopo nyutho nenedi kit mer pa Kristu, ni umego ku nyimego mwa ma gin de gileng’ ungo calu wan? Wakenen ayi adek ma wacopo nyutho ko igi merne. Mi kwong’o, ukwayu watwii bende mer kud umego ku nyimego mi suru mange, kunoke ma nivo migi ukoc ku mwa. (Rm 15:7; 2Ko 6:12, 13) Mir ario, ukwayu wabed ku wang’wa kara kud wayer kunoke watim lembe ma copo timo jumange rac. (Rm 14:13-15) Ma tokcen ne, ka ng’atu moko utimowa rac, ukwayu wabed ayika niweko ire. (Lk 17:3, 4; 23:34) Ka wabetimo kero lee pi nilubo lapor pa Yesu i ayi maeno, Yehova bimedere niketho cokiri mwa ubed i acel man ku kwiocwiny.

NEN VIDEO MA THIWIE TIE DOK LENG’ NISAGU!, MAN I NG’EYE, DWOK WANG’ PENJI M’ULUBO E:

• 

  Saa ma fodi Miki utundo atunda i cokiri pare ma nyen, ebino ku nen ma kani iwi cokirine?

• 

  Lembang’o m’uloko nen pare?

• 

  Lapor pa Yesu ukonyo Miki nenedi pi niwilo nen pare? (Mk 14:38)

• 

  Lembrieko 19:11 copo konyowa nenedi pi nibedo ku nen ma cuu iwi Jukristu wadwa?