Nyo ibeneno kurayung pa Mungu ma nen ungo?

Kan ibeneno thiwe moko ma leng’, nyikaluku m’i kor polo kunoke pii m’ubekworere, nyo iparu de pi ng’atu m’ucwiogi? Giracwia m’udhokowa ubenyutho kamaleng’ kurayung pa Yehova ma nen ungo. (Rm 1:20) Ka wabedo ling’ wabeparu pi gin ma wabeneno, wacopo neno tego pa Mungu, mer pare, rieko man bedopwe pare, man bende berocwiny pare.​—Zb 104:24.

I kind piny ma Yehova ucwio, ma kani m’ibed ineno kubang’ nindo? Kadok ibekwo i adhura de, re asu icopo neno winyo man yen. Nineno giracwia pa Yehova cuu copo jwigo adieng’acwiny ma watie ko, ekonyowa niketho wiwa i kum lembe ma pire tek, man eromo medo yioyic mwa i copo ma Mungu tie ko mi gwokowa rondo ku rondo. (Mt 6:25-32) Kan itie kud awiya, konygi ginen kurayung pa Yehova ma kaporne mbe. Ka wabeneno cuu man wabefoyo ku giracwia m’udhokowa, kindwa ku Jacwic mwa bidoko ceng’ini mandha.​—Zb 8:3, 4.

NEN VIDEO MA THIWIE TIE GIRACWIA UBENYUTHO DWONG’ PA MUNGU​—DER MAN RANGI, MAN I NG’EYE DWOK WANG’ PENJI M’ULUBO E:

• Pirang’o rangi tie dupa?

• Pirang’o rangi mi piny moko belokere nimakere ku thenge ma wanene i ie?

• Pirang’o waneno rangi ma tung’ tung’ i kor polo?

• Rangi ma kani ma leng’ hai m’ibed ineno i kum giracwia i ng’et ot peri?

• Pirang’o ukwayu wabed wanwang’ saa mi neno piny ma Mungu cwio?