Keth ponji peri ma segi umii iri adwogi ma ber

PIRANG’O PIRE TIE TEK: Ponji mwa ma segi mi Lembe pa Mungu konyowa ninyang’ cuu i “karamb [lac mi lemandha] ku kaborne man kadongone ku kathuthne.” (Ef 3:18) Bende, ekonyowa kara wabed m’adote mbe man m’acidi de mbe i wiwa i ng’om maeni ma rac, man kara wamok i kum “lembe mi kwo.” (Flp 2:15, 16) Ponji ma segi mio iwa kaka ma wang’io ko wan giwa gin m’ukwayu waponji nimakere ku yeny mwa. Dong’ wacopo timo ang’o kara wanwang’ kony i program mwa mi somo man mi ponjo Biblia?

KITE MA JUROMO TIMO KO:

• I Biblia m’itimo ko ponji peri ma segi, nik’ebed mi telefon kunoke ma wi karatasi, ried the giragora m’ukonyi man kiew lembe m’iponjo i ng’et giragorane

• Kinde m’ibesomo Lembe pa Mungu, woth penjiri ku kit penji ma e: ‘Ng’a? Ang’o? Awene? Kani? Pirang’o? Nenedi?’

• Tii ku jamtic mi sayusac m’unuti ma dilo pa Yehova uwodho; tim sayusacne nimakere ku thiwiwec kunoke nimakere ku verse kara inyang’ cuu

• Nyam i lembe m’ibesomo pi ninyang’ i kite m’icopo tio ko ku lembene i kwo peri

• Tii ku lembe m’ibeponjo i kwo peri ma kubang’ ceng’.​—Lk 6:47, 48

NEN VIDEO MA THIWIE TIE CUNG MA TEK NI KUM PONJI PERI MA SEGI, MAN I NG’EYE DWOK WANG’ PENJI M’ULUBO E:

• Mugisa ma kani ma jumoko ginwang’u ni kum ponji ma segi?

• Pirang’o ukwayu wabed warwo i wang’ nitimo ponji mwa ma segi?

• Ang’o ma copo konyowa kara wanyang’ cuu mandha i verse mi Biblia?

• Wacopo ketho alama ma nenedi i Biblia ma watio ko pi ponji mwa ma segi?

• Pirang’o pire tie tek nia wabed wanyam i lembe ma waponjo i Biblia?

• Ukwayu watim ang’o ku gin ma waponjo?