Yehova umito dhanu pare gibed leng’

‘Lwok cingi. Lwok ot peri. Wei i ot peri. Oy piny ma tijgi mbe cen kud i ot.’ Junyodo ma dupa giponjo awiya migi kud ayi mi gwoko leng’o mi kum. Cik mir ukungu mi ketho leng’o uai i bang’ Mungu mwa ma leng’. (Ai 30:18-20; Pc 23:14; 2Ko 7:1) Ka kumwa man piny ma watie ko utie ma leng’, lembene mio yung ni Yehova. (1Pe 1:14-16) Kadong’ ot mwa, lela kunoke ng’et ot mwa ke? Tung’ ku dhanu ma gibayu piny swa i wang’ayo, kunoke i lela, Jukristu gitimo kero migi ceke pi nigwoko ng’om ubed ma leng’. (Zb 115:16; Ny 11:18) Kadok i piny ma thindho thindho ma calu ve kite ma wabed watio ko ku karatasi mi mbombo, cupa mi fangarafangara, kunoke udok bolgam, copo nyutho nia watie ku nen ma nenedi iwi gwoko leng’o. Wamito wanyuthara nia watie ‘jurutic pa Mungu i kit kwo mwa ceke.’​—2Ko 6:3, 4.

NEN VIDEO MA THIWIE TIE MUNGU MITO DHANU PARE GIBED LENG’, MAN I NG’EYE, DWOK WANG’ PENJI M’ULUBO E:

• Jumoko copo cero bang’gi ku thelembe makani kara kud giketh jambtic migi ubed ma leng’?

• Cik pa Musa unyutho nen pa Yehova nenedi iwi leng’o?

• Wacopo mio lembatuca iwi Yehova nyaling’ ling’ nenedi?