Royiri i lembe m’ibesomo

Kinde m’ibesomo kpawa moko mi Biblia, kepim niroyiri zoo i lembene. Ku lapor, kepim niyang’ i lembe m’ubino kadhu saa nica, dhanu ma juweco pigi, man thelembe m’uketho gitimo lembe ma jukorone. Keketh nia ve ibino keca, ibeneno lembe m’ubekadhu, iwinjo dwal, man ing’wio ng’wic piny ma ni keca. Kepar bende kite ma dhanu ma jukoro pigi giwinjiri ko.

NEN THENG VIDEO MA THIWIE TIE YIK I KITE M’ISOMO KO BIBLIA, MAN I NG’EYE, DWOK WANG’ PENJI M’ULUBO E:

• 

  Ecicopere nia lembang’o m’ubed unyayu teliri i kind Yosefu ku jupagi?

• 

  Thelembe ma kani m’uketho saa moko umego pa Yosefu gibed gitimo lembe m’umbe niparu pi matoke mi lembene?

• 

  Ponji ma kani ma wacopo nwang’u niai kud i gin ma Lembagora ukoro iwi Yakobo ma won Yosefu?

• Ponji ma ber ma kani ma Yakobo umio ni awiya pare iwi kite mi yiko teliri?

• Lembang’o ma ber m’ikwanyu i video maeni?