Icopo nwang’u ponji ma kani i bang’ Jukristu ma wang’gi teng’ini?

I cokiri, wanwang’u Jukristu ma gitimo ni Yehova pi oro ma dupa. Wacopo ponjo lembe dupa iwi kite ma gijengiri ko iwi Yehova. Wacopo penjogi gikor iwa kpawa mi dilo pa Yehova, bende peko ma ginwang’iri ko man kite ma Yehova ukonyo ko gi niciro pekone. Wacopo lwong’o kadok ju moko mi kindgi i thier mwa mi juruot kara gikor iwa lembe ma gikadhu kud i ie.

Tek itie Jakristu ma weng’i teng’ini, man i galu i dilo pa Yehova, kor lembe m’ikadhu kud i ie thwolo thwolo ni Jukristu m’aradu. Yakobo giku Yosefu gikoro lembe ma Yehova timo igi ni nyikwaygi. (Th 48:21, 22; 50:24, 25) I ng’eye, Yehova ung’olo ni wego nia giponj awiya migi ging’ei pi tic mi tego m’etimo. (Pc 4:9, 10; Zb 78:4-7) Tin bende, wego ku ju mange i cokiri, gicopo nikoro ni aradu lembe ma wang’uijo ma gineno Yehova ubed utimo i dilo pare.

NEN VIDEO MA THIWIE TIE WAMEDARA NIBEDO I ACEL KADOK KINDE MA JUKWERO TIC MWA, I NG’EYE, DWOK WANG’ PENJI M’ULUBO E:

• Filial mir Autriche ukonyo umego mwa ma gibekwo i ng’om mange ma jukwero tic mwa i ie nenedi?

• Umego mi ng’omne gitimo ang’o pi nigwoko yioyic migi ubed tek?

• Pirang’o jurwei mapol i ng’om mi Roumanie gituc ni koyiri ku dilo pa Yehova, man gidok gidwogo nenedi?

• Lembuno ubetielo yioyic peri nenedi?