Nyo icopo mio saa man tego peri?

Calu ma jabila Isaya ular uewo, tin wabeneno mediri ma dit m’usagu m’i wang’e i thenge mi ng’om mi dilo pa Yehova. (Is 54:2) Mediri maeno uketho watie ku yeny mi Udi Ker ma nyen, Ot coko ma dongo, man giedo mi bethel. Kadok kinde ma judaru gierogi de, re gibedo asu ku yeny ma juyik ko kumgi man niyiko otne moko m’unyothere. Lembe maeno ubemio iwa kaka mi mio saa man tego mwa ni Yehova. Nenedi?

• Wacopo dikara nwang’u program mi ketho leng’o i Ot Ker uwok iwi ungu mwa mi rweyo lembanyong’a

• Wacopo miara nilubo ponji ma jubed jumio pi niyiko kum Ot Ker

• Wacopo pong’o karatasi mi kwayu tic mi giedo (Demande d’admission comme volontaire local développement/​construction [DC-50]) kara wadikara pi nindo moko kud ungu mi giedo man mi yiko Udi Ker, ma nwang’ere ceng’ini ku ka ma wabekwo i ie

• Wacopo pong’o Karatasi mi kwayu tic (A-19) kara wadikara pi yenga acel kunoke nikadhu i tic m’ubetimere i Bethel, kunoke i udi mange ma bethel ubeneno wie

NEN VIDEO MA THIWIE TIE YUB MA NYEN MI GIEDO​—THENGE, MAN I NG’EYE, DWOK WANG’ PENJI M’ULUBO E:

• Tin watio ku video lee nenedi nisagu m’i wang’ oro 2014?

• Kara jutund niwodho video lee m’ukwayere, yub ma kani m’umakere? Man tic mi giedone biting’o nindo ma rukani?

• Dhanu mange ma gimiyiri gicopo konyo tic maeno nenedi?

• Ka wamito wakony tic mi giedo mi Ramapo, pirang’o pire tie tek nia walar wapong’ karatasi mi kwayu tic mi giedo (DC-50), man wadikara bende i tic mi giedo m’ubetimere i bang’wa?

• Ang’o m’ubenyutho nia Yehova re m’ubetelo wi yub maeno?

• Wacopo konyo tic mi giedo maeno nenedi kadok wambe ku copo mi timo tije ku kumwa de?