Nyo ibeyikiri pi Poi pi tho pa Yesu?

Kadhukuwijo ma tokcen ma Yesu utimo, pire ubino tek lee. Calu ma nwang’u tho pare udhingo, emaku yub mi camu Kadhukuwijo karacelo ku jukwenda pare, man nicaku lembe mange ma nyen ma jubibepoi pire kubang’ oro. Julwong’e Cemo mir uthieno pa Rwoth. Pieno eoro Petro giku Yohana nia gicidh giyik kusika. (Lk 22:7-13; nen cal m’i ng’eye.) Eno ubepoyo wiwa nia ukwayu wayikara bende pi Poi pi tho pa Yesu ma wang’uni wabitimo nindo 27 mi dwi mir adek. Copere nia cokiri udaru maku yub pi jakorlembe, mukati ku divai, ku lembe mange de. Dong’, ng’atuman m’i kindwa ke copo timo ang’o pi niyikere pi Poi pi tho pa Yesu?

Yik adundeni. Som man nyam i lembe iwi giragora ma jupangu pi Poi pi tho pa Yesu. Programne nwang’ere i nyathibuku Wang’iyu i Lembagora kubang’ ceng’. Program mange m’utiye ku lembe dupa i ie nwang’ere i Appendice B12A, man 12B mi Traduction du monde nouveau. (Nen bende Buku mi coko mi Kwo man tic mwa mi Jukristu mi dwi mir 4, 2020.) Bende, juruot giromo nwang’u thiwiwec ma gicopo weco i wie i thier migi mi juruot iwi bero mi jamgony i Index des publications des Témoins de Jéhovah kunoke i Guide de recherche pour les Témoins de Jéhovah.

Lwong’ jumange de gibin. Dikiri lee i kampany mi lwong’o dhanu. Lar ipar pi dhanu m’iromo lwong’o, calu ve ju m’ibed iliewo, ju ma con ibed iponjo kugi Biblia, ju m’ing’eyiri kugi man wedi peri. Judong cokiri gicikiri nilwong’o bende ju m’ukwio i tipo. Poi nia tek ng’atu moko kwo bor ku kaka ma ibekwo i ie, icopo nwang’u saa man kaka ma cokone bikadhu i ie i bang’gi i the thiwiwec WATIE JUKANI? i mbaya mir acaki mi jw.org, yo malune. I ng’eye dii wi wec “Poi pi tho pa Yesu.”

Lembang’o mange ma waromo timo pi niyikara?