Tii ku mon ma dongo calu mego, mon ma nyir ke calu nyimego

Biblia ubeyero iwa nia ukwayu watii ku Jukristu ma wang’gi teng’ini calu megwa man wegwa man ju m’aradu ke calu umego ku nyimego mwa. (Som 1 Timoteo 5:1, 2.) Akecane umego gicikiri nitio ku nyimego ku woro man yung.

Umego gicikiri ngo nituko i kum nyimego kunoke nitimo lembe moko ma copo ketho giwinjiri rac i kumgi. (Yb 31:1) Umego ma jamusuma ucikere ngo nitimo lembe ma copo ketho nyamego ma jamusuma ubed ku genogen p’undiek. Ku lapor, niketho nyamegone upar nia emare ma kunke ngo.

Judong cokiri gicikiri nidieng’ cuu mandha i kum nyimego ma kan upenjo penji, kunoke m’uwodho paru moko m’umito jukejung’ii ie cuu. Judong cokiri gicikiri nidieng’ akecane i kum mon ma coggi mbe man nigwokogi.​—Rt 2:8, 9.

NEN VIDEO MA THIWIE TIE MEDIRI NINYUTHO MER I COKIRI​—NI MON MA COGGI THO MAN NI NYITHIKIC, MAN I NG’EYE DWOK WANG’ PENJI M’ULUBO E:

• 

  Umego ku nyimego mi cokiri ginyutho mer mandha nenedi ni nyamego Myint?

• 

  Mer ma cokiri unyutho ubedo ni lembatuca nenedi ni dhanu mi pacu keca?

• 

  Mer ma cokiri unyutho umulo adunde awiya ma nyir pa nyamego Myint nenedi?

Yo moko ma kani m’icopo nyutho ko nia ibedieng’ ku nyimego mi cokiri peri?