Yo adek ma waromo jengara ko iwi Yehova

Daudi uvoyo Goliath pilembe ejengere iwi Yehova. (1Sm 17:45) Yehova ubemito enyuth tego pare pi nibodho jurutic pare ceke. (2Ke 16:9) Waromo jengara nenedi iwi kony ma Yehova bemiyo kakare nijengara iwi ng’eyong’ec man iwi bodho mwa giwa? Nwang’u wabetimo lembe adek ma e:

• Bed irwo nja. Kud ibed irwo kende kende pi nikwayu kisa i kum racu m’itimo, ento bed irwo bende pi ninwang’u tego kinde m’ibenweng’iri i wang’ abidhe mi timo lembe ma rac. (Mt 6:12, 13) Kud ibed irwo kende kende pi nikwayu Yehova umii mugisa iwi yub ma dong’ ilar imaku, ento bed ikwaye bende etel wii man emii iri rieko i wang’ nimaku yubne.​—Yk 1:5

• Bed ku ng’iyo mi somo man mi ponjo Biblia. Bed isom Biblia kubang’ ceng’. (Zb 1:2) Nwang’ saa m’ibed inyam ko i lembe iwi lapor mi Biblia man tii ku ponji m’inwang’u i lembene. (Yk 1:23-25) Bed iyikiri cuu pi tic mi rweyo lembanyong’a kakare nijengiri kwa iwi bodho peri. Kara inwang’ bero lee i coko, bed ilar iyik cokone i wang’e

• Dik cingi ku dilo pa Yehova. Bed ayika nilubo telowic ma nyen ma dilo pa Yehova uwodho man cak tiyo kude ndhu ndhu. (Wl 9:17) Winj judong cokiri kinde ma gibemiyo juk man telowic.​—Eb 13:17

NEN VIDEO MA THIWIYE TIE THELEMBE MOKO MBE MA WACOPO LWORO KO RAGEDO, MAN I NG’EYE DWOK WANG’ PENJI M’ULUBO E:

• Ang’o m’unyayu lworo i umego ku nyimego maeno?

• Ang’o m’ukonyogi ninyego ku lworo migi?