Niweco kud amora man nikethiri kaka jumange

1 Jutesaloniki 2:7, 8

LEMBE M’ICOPO TIMO: Wec kud ava, man keth ju m’ubewinji ginwang’ nia imarugi man ibeyenyo ikonygi.

KITE M’ICOPO TIMO KO:

• Par pi juwinj peri. Pi niyiko adundeni, poi i kum peko ma gibeciro. Kepim niparu pi kite ma giwinjiri ko.

• Lond ku mukuni wec m’ibiyero. Tim kero nikwio cwiny ju m’ubewinji, juk cwinygi man mii tego i kumgi. Kud iyer wec ma tije mbe ma copo nyayu ng’ecwiny mananu i dhanu, man kud icai jurudini mange kadi yioyic migi.

• Nyuth mer ni juwinj. Wec ku dwal mi mer man tim jeste m’urombo, kara juwinj ginen nia ibedieng’ pigi. Woth bevonjo wang’ ma pol i bang’gi.