Jurimbi m’ibed iweco kugi i Internet utie jukani?

Jurimo utie “dhanu ario ma gimariri i kindgi kunoke ma giworiri i kindgi.” Ku lapor, Yonathan giku Daudi gidoko jurimo ma kindgi koyere ngo tap i ng’ey ma Daudi unego Goliath. (1Sm 18:1) Ng’atuman m’i kindgi ubino ku kite ma tung’ tung’ ma beco m’ubed utelo wadi i kume. Pieno, kara mer m’i kindwu ubed tek, ukwayu ing’ey jarimbi cuu mandha. Ning’eyo ng’atini cuu camu saa ku tego ma lee. Ento i kusika mi weco ku dhanu i Internet, ng’atini copo doko “jarimbi” nwang’u idiyo wi butho acel kende ci. I Internet dhanu copo kanu kura migi yot yot pilembe gitie ku copo mi ng’iyo wec m’ukwayu giyer, man kite ma gibemito dhanu mange unen kogi. “Pieno, pire tie tek nilar paru cuu mandha nia ibing’iyo dhanu mi kite ma nenedi m’ubed jurimbi.” Lworo kud unegi nikwero ka ng’atu moko m’ing’eyo ngo cuu ubekweyi nia idok jarimbe man kud ilwor nia ebiwinjere rac. Nimakere ku peko ma bewok, dhanu moko ging’iyo nia ukwayu ngo gitii ku kusika mi weco ku dhanu i Internet. Dong’, kan ing’iyo nitiyo ku kusika mi weco ku dhanu i Internet, lembang’o m’ubekwayu wii kud uwil i kume?

NEN VIDEO MA THIWIYE TIE TII KU RIEKO KU KUSIKA MI WECO KU DHANU I INTERNET, MAN I NG’EYE DWOK WANG’ PENJI M’ULUBO E:

• 

  Lembang’o m’ukwayu ilar ipar i wang’ nikiewo wec man niketho foto i kusika mir Internet?

• 

  Pirang’o ukwayu ing’ii cuu mandha jurimbi m’ibed iweco kugi i Internet?

• 

  Pirang’o ukwayu iketh wend saa m’ibetiyo ko ku kusika mi weco ku dhanu i Internet?​—Ef 5:15, 16