Nyo ibesayu nineno dwoko wang’ rwo peri?

I Biblia, junwang’u lapor dupa mi rwo ma Yehova ugam udwoko wang’gi. Kinde ma jurutic pa Yehova gineno kite ma Yehova uwinjo kogi man kite m’ekonyo kogi, m’umbe jiji lembene utielo yiyoyic migi. Pieno ka waberwo, etiye ber nia wabed wayer lembe ma tap i rwo mwane man watim kero nineno kite ma Yehova ubedwoko ko wang’e. Wang’ey nia Yehova copo dwoko wang’ rwo mwa i ayi m’ukoc ku ma nwang’u wapenjo kunoke nisagu de. (2Ko 12:7-9; Ef 3:20) Yehova romo miyo iwa girang’o pi nidwoko wang’ rwo mwa?

• Eromo miyo iwa tego, kwiyocwiny, man yiyoyic ma wanyeg ko ku peko mwa.​—Flp 4:13

• Eromo miyo iwa rieko ma wamak ko yub ma cuu.​—Yk 1:5

• Eromo miyo iwa ava man kero ma watim ko lembe moko.​—Flp 2:13

• Eromo miyo iwa kwiyocwiny tekene cwinywa ung’abere.​—Flp 4:6, 7

• Eromo cwalu dhanu mange gimii iwa kony ma watiye ku yenyne man gitiel cwinywa.​—1Yh 3:17, 18

• Eromo konyo dhanu ma warwo pigi.​—Tic 12:5, 11

NEN VIDEO MA THIWIYE TIE YEHOVA EN E ‘JAWINJ RWO,’ MAN I NG’EYE DWOK WANG’ PENJI M’ULUBO E:

• Lapor p’umego Shimizu ubemiyo amora i kumwa nenedi ka tek remokum uketho dong’ wambe ku kaka mi timo lembe lee?

• Wacopo lubo lapor p’umego Shimizu nenedi?