PENJI MIR 7
Biblia uewo lembang’o pi nindo ma wakwo i ie eni?
“Kum thek bijai kum thek, ker de ni ker . . . Gin maeni ceke en e landu wi can.”
“Jubila mi ndra de dupa gibiwok’ man gibiwingo dupa. Kum camuco de bimedre, mer mi dhanu dupa de bidoko ng’ic.”
“E ka wubiwinjo pir ali ku rwong ali de, cwinywu kud ung’abre: gin maeni bikotimbre be; ento kajikne fodi.”
“Digidi ma dit de bibedo nuti, ndru de bibedo nge nge ku thong’om bende; ndiri de bibedo nuti ku giranyutha ma dit m’uai i polo.”
‘I ceng’ mi kajik rundi, nindo mi can [ma ciro tek] biwok. Kum dhanu bibedo ma ng’atuman bimare gire en, gibibedo jumar sente, jukulula, ju ma gidodri wi juwagi, ju ma cayu cac, ju ma gijuco ni junyodogi, ju ma foyofoc ungo, ku maleng’ ungo de, ju ma mer mi wat umbe kugi, ju ma thegri ngo, ju ma gibalu abali, ju ma kweri gigi ngo, ju ma kwiny, ju m’udagu gin maber, juganda, ju ma wigi tek, ju ma tingri, ju ma gimaru migi anyong’a mananu ma sagu mer ma gimaru ko Mungu, ma gimoko kum ayi kwanyu koth Mungu, ento gikwero tegone.’