KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • bhs mba. 3-7
  • Lembakeca pa mungu utie ang’o piwa?

Thenge maeni umbe ku video.

Tim kisa, kosa moko uwok rek.

  • Lembakeca pa mungu utie ang’o piwa?
  • Biblia ubeponjowa ku lembang’o?
  • Nyithithiwiwec
  • BIBLIA UBEPONJO NIA MUNGU BITIMO LEMBE MA WANG’U IJO IWI NG’OM.
  • NWANG’ KONY IKUM LEMBE MA BIBLIA UBEPONJO
Biblia ubeponjowa ku lembang’o?
bhs mba. 3-7

Lembakeca Pa Mungu Tie Ang’o Piwa?

KAN ibesomo lembang’eya i gazeti, ibeneno televizio, kunoke ibewinjo radio, isomo, ineno man iwinjo akeca pi lembe mareco, lwiny man nek. Saa moko nyo in giri bende ibesendiri ku twoyo moko, kunoke nyo pi tho pa ng’atu moko m’imaru.

Juruot acel gibewinjo lembang’eya i radio

Dong’ kepenjiri kumae:

  • Nyo Mungu umaru nia kwo para ku kwo mi juruot para ubedi ndhu kumeni?

  • Acopo nwang’u kony kani kara anyeg ku peko para?

  • Nyo kwiocwiny mandha bibedo nuti nindo moko de?

Biblia udwoko wang’ penji maeno i kite ma copo juko cwinywa.

BIBLIA UBEPONJO NIA MUNGU BITIMO LEMBE MA WANG’U IJO IWI NG’OM.

  • Dhanu binwang’u litho kendo ngo, gibitii ngo, gibitho de ngo.​—Lembanyutha 21:4

  • “Jarabala bipor malu calu thwon ruda.”​—Isaya 35:6

  • “Wang’ abinga bilund yabre.”​—Isaya 35:5

  • Ju m’utho gibicer.​—Yohana 5:28, 29

  • Ng’atu moko mbe ma biremo.​—Isaya 33:24

  • Dhanu ceke bibedo ku cam lee akeca.​—Zaburi 72:16

    Ng’atu m’utii udoko aradu, jarabala uberingo, ju m’utho gicer, jaratwoyo man ng’atu m’abinga gikei

NWANG’ KONY IKUM LEMBE MA BIBLIA UBEPONJO

Jamulembe pa Yehova acel ubeponjo Biblia ku ng’atu moko

Saa moko icopo paru nia lembe m’iai isomo i buku maeni i mbaya ario m’ukadhu, utie lek. Ento Mungu ung’olo nia ceng’ni eni, ebikelo alokaloka maeno iwi ng’om. Biblia ukoro kite m’ebikelo ko alokalokane.

M’uweko maeno, Biblia ukoro lembe mange dupa. Enyutho iwa lembe ma wacikara nitimo kara wakwo kud anyong’a mandha niai kawoni. Kepar nyanok iwi lembe ma tung’ tung’ ma bedieng’o cwinyi. Ecopo bedo koso sente, peko mi ot, leng’kum ma cuu ngo, kunoke tho pa ng’atu moko m’imaru lee. Biblia copo konyi ninyego ku peko maeno; man pi nijuko cwinyi, ecopo nidwoko wang’ penji ma calu ve:

  • Pirang’o wabesendara?

  • Wacopo nyego ku peko mwa nenedi?

  • Nyo juruot mwa copo bedo kud anyong’a?

  • Ka watho, wacidho kani?

  • Nyo wabineno kendo wedi mwa ma wamaru ma gidaru nitho?

  • Pirang’o wacopo bedo ku genogen nia Mungu bitimo lembang’ola pare ceke m’eng’olo?

Calu m’ibesomo buku maeni, eno nyutho nia andha imito ning’eyo lembe ma Biblia ubeponjo. Buku maeni bikonyi. Udukuwecman utie ku penji ma bikonyi kara inyang’ i Biblia maber mandha. Dhanu milioni dupa gimaru niponjo Biblia ku Jumulembe pa Yehova. Watie ku genogen nia in de ibimaru. Dong’ Mungu ukonyi inwang’ lembe ma Biblia ubeponji ko!

TIM KERO NING’EYO BIBLIA PERI

Biblia tie ku buku man waraga 66. Buku kunoke waragaman utie kuthekmanverse. Eno ketho junwang’u verse yot yot. I buku maeni, ka junyutho giragora moko, wel ma kwong’a ing’ei nying’ buku mi Biblia nyuthothek, man wel m’ulubo, nyuthoverse. Ku lapor, “2 Timoteo 3:16,” nyutho waraga mir ario ni Timoteo, thekne 3, verse 16 (kunoke, nisomo 16).

Kan ibemediri nisayu giragora ma junyutho i buku maeni, ibing’iyo ku Biblia pio pio. Icopo bende nicaku somo Biblia kubang’ ceng’. Kan ibesomo thek adek nitundo i abic kubang’ nindo, icopo somo Biblia zoo i oro acel.

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini