KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lff ponji 4
  • Mungu mandha tie ng’a?

Thenge maeni umbe ku video.

Tim kisa, kosa moko uwok rek.

  • Mungu mandha tie ng’a?
  • Icopo kwo kud anyong’a rondo ku rondo!—Buku mi ponjo Biblia
  • Nyithithiwiwec
  • Lembe mange m'urombo ku maeni
  • MED NYANG’ PERI
  • I ADUNDO
  • TIM SAYUSAC
  • Wacopo nyutho nenedi nia pi nying’ Yehova tie tek i iwa?
    Otkur ma Wiw m’ubetwong’o pi Ker pa Yehova (Mi ponji)—2025
  • Yeny pa Mungu tie ang’o pi kwo mwa?
    Icopo kwo kud anyong’a rondo ku rondo!—Buku mi ponjo Biblia
Icopo kwo kud anyong’a rondo ku rondo!—Buku mi ponjo Biblia
lff ponji 4
Ponji mir 4. Kite ma korpolo nen ko ku nyikaluku m’uriang’ini i iye ka jubenene ku teleskop.

PONJI MIR 04

Mungu mandha tie ng’a?

Ma juwodho iwi karatasi
Ma juwodho iwi karatasi
Ma juwodho iwi karatasi

Oro moko nyanok i ng’ei ma jucwiyo dhanu ci, gicaku woro kwond mungu dupa. Ento Biblia uweco pi Mungu acel kende, ma ‘e dit nisagu mungu [mange] ceke.’ (2 Lemkei 2:5) Mungu maenone e ng’a? Man ang’o m’uketho e dit nisagu mungu mange ceke ma dhanu beworo? I ponji maeni, wabineno gin ma Mungune ubemito ing’ey i wiye.

1. Nying’ Mungu tie ng’a, man ang’o m’unyutho nia ebemito wang’ey nyingene?

Mungu unyutho iwa nyinge en gire i Biblia. Eyero kumae: “An a Yehova, maeni nyinga.” (Som Isaya 42:5, 8.) “Yehova” tie nying’ ma juloko kud i dhu Juebrania man nimakere ku jururieko dupa, thelembene tie “Eketho doko.” Yehova bemito wang’ey nyinge. (Ai 3:15) Ang’o m’unyutho nia emito wang’ey nyingene? Eketho jukiewe i Biblia ma kadhu wang’ elufu abiro (7 000)!a Eyo, i ng’om ku polo zoo Mungu mandha en acel kende, nyinge ke tie Yehova.​—Poi mi cik 4:39.

2. Biblia uyero ang’o iwi Yehova?

Pirang’o Biblia uyero nia ku kind mungu ceke ma dhanu gibed giworo con, Yehova kende re m’utie Mungu mandha? Thelembe tie dupa. Yehova tie ku dito m’usagu zoo, man en kende re m’etie “Ng’atu ma malu ngbir wi ng’om ngung’.” (Som Zaburi 83:18.) Etie “Jategokpo,” niwacu, etie ku tego mi timo gin ci ceke m’emaru nitimo. ‘Ecwiyo piny ceke,’ niwacu ng’om, polo ku piny mange ceke man gin moko ci ma kwo ni iye iwi ng’om keni. (Lembanyutha 4:8, 11) Tung’ ku dhanu mi ng’om ceke, Yehova nuti kwa man ebibedo nuti nja ku nja.​—Zaburi 90:2.

MED NYANG’ PERI

Wakenen tung’ tung’ m’utie i kind nying’ Mungu mi dito ku nyinge ma dhe. Wabineno bende yore ma Yehova nyutho ko nyinge iwa, man thelembe m’uketho enyuthe.

Jalwo moko ubeneno polo kud uthieno. Nying’ Yehova ukiewere ma dit i kor polo.

3. Mungu tie ku nying’ dupa mi dito, ento nyinge ma dhe tie acel kende

Pi nineno tung’ tung’ m’utie i kind nying’ ng’atini mi dito ku nyinge ma dhe, nen VIDEO, man i ng’eye wuwec iwi penji m’ulubo e:

VIDEO: Nying’ dupa mi dito, re nying’ ma dhe acel (0:41)

  • Tung’ tung’ ang’o m’utie i kind nying’ mi dito ku nying’ ma dhe?

Biblia yero nia dhanu gibeworo mungu dupa man rwodhi de dupa. Som Zaburi 136:1-3, man i ng’eye wuwec iwi penji m’ulubo e:

  • “Mungu mir udul mungu” man “Rwoth mi rwodhi” tie ng’a?

4. Yehova ubemito ing’ey nyinge man itii kude

Ang’o m’unyutho nia Yehova ubemito ing’ey nyinge? Nen VIDEO, man i ng’eye wuwec iwi penji m’ulubo e:

VIDEO: Nyo nying’ Mungu tie?​—Thenge (3:11)

Calu mi video ‘Nyo nying’ Mungu tie?​—Thenge.’ Umego moko ubeneno nying’ Mungu ma Yehova, ma jukiewo i Zaburi 83:18 i lok mi Biblia mi ‘King James Version’ mi oro 1611.
  • Pirang’o Yehova ubemito jung’ey nyinge?

Yehova ubemito dhanu gitii ku nyinge. Som Jurumi 10:13, man i ng’eye wuwec iwi penji m’ulubo e:

  • Pirang’o pire tie tek nia watii ku nying’ Mungu ma Yehova?

  • Iwinjiri nenedi ka ng’atu moko upoy i kum nyingi man ebelwong’i ku nyingine?

  • Iparu nia Yehova copo winjere nenedi kan ibetiyo ku nyinge?

5. Yehova ubemito ibed jarimbe

Dhaku moko ma nyinge Soten mi ng’om mi Camboge uyero nia ng’eyo nying’ Yehova umiyo ire anyong’a “m’usagu mi wang’e zoo.” Nen VIDEO, man i ng’eye wuwec iwi penji m’ulubo e:

VIDEO: Kite m’asayu ko kaka Mungu mandha (8:18)

Cal: cal mi video ‘Kite m’asayu ko kaka Mungu mandha.’ 1. Soten ubedo i the yen moko i luli, ebeneno kor polo man eberwo i bang’ Mungu mandha. 2. Herold ubeponjo Soten nia nying’ Mungu tie Yehova.
  • I video maeni, ning’eyo nying’ Mungu ubino kud adwogi ma kani iwi Soten?

I wang’ nidoko jarimb ng’atini, mi kwong’o zoo jular jucaku ng’eyo nyinge. Som Yakobo 4:8a, man i ng’eye wuwec iwi penji m’ulubo e:

  • I giragora maeni, Yehova ubekwayu nia itim ang’o?

  • Ning’eyo man nitiyo ku nying’ Mungu copo ketho kindwu bedo nenedi wukude?

DHANU MOKO BEYERO KUMAE: “Icopo lwong’o Mungu ku nying’ moko ci pilembe Mungu tie acel kende.”

  • Nyo iyiyo andhandha nia nying’ Mungu tie Yehova?

  • Kekor gin m’unyutho nia Mungu bemito watii ku nyinge.

I ADUNDO

Mungu mandha tie acel kende man nyinge Yehova. Ebemito wang’ey nyingene man watii kude kara wabed jurimbe ma ceng’ini.

Penji mi poyowic

  • Yehova ukoc nenedi ku mungu mange ceke ma dhanu beworo?

  • Pirang’o wacikara nitiyo ku nying’ Mungu?

  • Ang’o m’unyutho nia Yehova ubemito ibed jarimbe ma ceng’ini?

Lembe m’ukwayu itim

TIM SAYUSAC

Nen lembe abic m’unyutho nia Mungu nuti andha.

“Nyo Mungu nuti andha?” (Thiwiwec mi jw.org)

Kenen nia pirang’o waromo yiyo nia Yehova nuti kwa.

“Ng’a m’ucwiyo Mungu?” (Otkur ma wiw, nindo 1, dwi mir 8, 2014)

Nen nia pirang’o wacikara nitiyo ku nying’ Mungu, kadok nwang’u ayi ma jubed julwong’e ko con ung’eyire ngo de.

“Yehova tie ng’a?” (Thiwiwec mi jw.org)

Nyo wacopo tiyo ku nying’ moko ci pi nilwong’o Mungu? Kenen thelembe m’uketho wayero nia nyinge ma dhe tie acel kende.

“Mungu tie ku nying’ ma tung’ tung’ ma kani?” (Thiwiwec mi jw.org)

a Pi ning’eyo lembe mange iwi thelembe mi nying’ Mungu, man pirang’o i lok mi Biblia moko juwodho nying’ne, nen Thenge ma jumedo A4 mi Biblia​—Lok mi ng’om ma nyen (mi français).

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini