KETH DHANU UDOK JULUB
PONJI MIR 12
Yer lembe thwolo thwolo
Cik mir ukungu: “Calu nzir mi mola ma kwar, man jambruko mi mola ma kwar ma leng’, e jajuk ma riek ubedo kumeno ni ith ma wor.”—Rie. 25:12.
Gin ma Yesu utimo
1. Nen VIDEO, kunoke som Marko 10:17-22. I ng’eye dwok wang’ penji m’ulubo:
Copere nia Yesu uneno kite ma kani ma beco i bang’ jabim ma jalonyo maeno?
Pirang’o Yesu ubino ku yeny mi nyutho mer man mi miyo ire juk m’umbe lworo?
Ponji ma wacopo nwang’u
2. Ukwayu wawec ku juponj Biblia ku mer man thwolo thwolo pi nikonyogi gitim mediri i thenge mi tipo.
Lub lapor pa Yesu
3. Kony japonj Biblia uketh lembakeca man etund i kumgi.
Tii ku thenge m’uwacu: “Lembe m’ukwayu itim” m’i ponjiman mi buku Icopo kwo kud anyong’a rondo ku rondo!
Kony japonj Biblia unyang’ i lembe m’ukwayu etim kara etund i kum lembakeca pare ma thindho man ma dongo.
Bed ifoye thiri thiri pi mediri m’ebetimo.
4. Say ning’eyo gin m’ubecere nitimo mediri, man konye evoy maceronegi.
Penjiri kumae:
‘Ang’o m’ubecero japonj Biblia para nitimo mediri nitundo i batizo?’
‘Acopo timo ang’o pi nikonye?’
Rwo kara inwang’ tegocwiny pi niweco kude thwolo thwolo man ku mer iwi lembe m’ukwayu etim.
5. Jig niponjo ku ng’atu m’ubemedere ngo.
Pi ninyang’ ka nyo japonj Biblia moko ubetimo mediri, penjiri kumae:
‘Nyo ebetiyo ku lembe m’ebeponjo?’
‘Nyo ecidho i coko man eweco ku jumange iwi lemandha?’
‘Kan edaru ponjo Biblia pi kare m’ulwar, nyo ebemito edok Jamulembe pa Yehova?’
Tek japonj Biblia moko ubemito ngo nia etim mediri:
Kepenje nia ang’o m’ubecere.
Kor ire ku yoo thelembe m’uketho imito ijig ponjine.
Nyuth ire gin m’ukwayu etim i wang’ nidok caku ponjine kendo.