Tii ku lapor pi nikoro i lembe ma pigi tek

Kinde ma wadok i liew kunoke wabetelo wi ponji mi Biblia, ukwayu wakony juwinj mwa ginyang’ i lembe ma pigi tek mi ponjine. Ka wabetio ku lapor pi nikoro i lembe ma pigi tek, wacopo mulo adundegi man wacopo ketho wigi poi yot yot i kum ponjine.

Kan ibeyikiri pi nidok i liew kunoke nitelo wi ponji mi Bilblia, lond lembe ma pigi tek m’ibimito iketh nwoc iwigi, ento lembe ma thindho thindho ngo. Man ng’ii lapor moko ma yot m’ujengere iwi lembe mi kwo ma ku bang’ ceng’. (Mt 5:14-16; Mk 2:21; Lk 14:7-11) Ng’ei lembsuru man tic ma jawinj peri betimo. (Lk 5:2-11; Yh 4:7-15) Tek ineno nia etie kud anyong’a pilembe enyang’ i ponji, e in de anyong’a binegi.

NEN VIDEO MA THIWIE TIE MED BODHO PERI KARA INWANG’ ANYONG’A LEE I TIC MI KETHO DHANU DOK JULUB​—TII KU LAPOR PI NIKORO I LEMBE MA PIGI TEK, MAN I NG’EYE DWOK WANG’ PENJI M’ULUBO E:

• 

  Pirang’o ukwayu jukony juponj Biblia ginyang’ i verse mi Biblia?

• 

  Neeta utio ku lapor nenedi pi nikoro i lemandha ma nwang’ere i Jurumi 5:12?

• 

  Ka wabetio ku lapor ma beco, eno copo bedo kud adwogi ma kani iwi juwinj mwa?

• Pirang’o ukwayu wabed watii ku video man jamtic mwa mi ponjo Biblia ku dhanu ma dilo pa Yehova umio iwa i tic mi rweyo lembanyong’a?