Ponjo lembe mii bikonyi nibedo nger

Som Daniel 9:1-19 pi ninyang’ nia pirang’o pire tie tek niponjo lembe mii.

Ng’ii i lembe m’ugwaku kum kpawane. Lembang’o m’ular utimere i wang’e nyanok, man lembene ugam umulo kum Daniel nenedi? (Dan. 5:29–6:5) Ka nwang’u ibino Daniel, nwang’u iciwinjiri nenedi?

Mond i thuc mi kpawane. Copere nia Daniel usomo “buku” ma kani? (Dan. 9:2, NWT; w11-F 1/1 mba. 22 udu. 2) Pirang’o Daniel uyewo dubo pare man mi thek ceke mir Israel? (Law. 26:39-42; 1 Ub. 8:46-50; dp-F mba. 182-184) Rwo pa Daniel ubenyutho nenedi nia ebed eponjo lembe pa Mungu mii?—Dan. 9:11-13.

Say ponji m’icopo nwang’u. Pieno penjiri kumae:

• ‘Acopo timo ang’o kara lembe m’ubetimere iwi ng’om kud uwing wiya?’ (Mik. 7:7)

• ‘Calu Daniel, abinwang’u bero ma kani tek acuku ponjo Lembe pa Mungu mii?’ (w04-F 1/8 mba. 12 udu. 17)

• ‘Thiwiwec ma kani mi ponji ma segi ma copo konya nibedo m’abekiyo?’ (Mat. 24:42, 44; w12-F 15/8 mba. 5 udu. 7-8)