ኢየሱስ ድህነትን ያስወግዳል

ኢየሱስ በምድር ላይ ሳለ ለሰዎች ታላቅ ፍቅር አሳይቷል፤ በተለይ ለድሆችና ለተጨነቁ ሰዎች ልዩ ፍቅር ያሳይ ነበር። (ማቴዎስ 9:36) እንዲያውም ለሰዎች ሲል ሕይወቱን መሥዋዕት አድርጎ ሰጥቷል። (ማቴዎስ 20:28፤ ዮሐንስ 15:13) በቅርቡ ደግሞ፣ የአምላክ መንግሥት ንጉሥ እንደመሆኑ መጠን ያለውን ሥልጣን ተጠቅሞ ድህነትን ከመላው ምድር ያስወግዳል።

መጽሐፍ ቅዱስ፣ ማራኪ ቃላትን በመጠቀም ኢየሱስ የሚያደርገውን ነገር ይገልጻል፦

• “በሕዝቡ መካከል ላሉት ችግረኞች ጥብቅና ይቁም፤ የድሃውን ልጆች ያድን።”​—መዝሙር 72:4

ኢየሱስ ላደረገልን ነገር እንዲሁም ወደፊት ለሚያደርግልን ነገር ያለንን አድናቆት ማሳየት የምንችለው እንዴት ነው? አንዱ መንገድ ‘ስለ አምላክ መንግሥት ምሥራች’ መማር ነው፤ ኢየሱስ የሰበከው ስለዚህ መንግሥት ነበር። (ሉቃስ 4:43) “የአምላክ መንግሥት ምንድን ነው?” የሚለውን ርዕስ እንድታነብ እንጋብዝሃለን።