ውጥረት አለብህ?

“ሁሉም ሰው በተወሰነ ደረጃ ውጥረት አለበት፤ እኔ ግን ውጥረት ከአቅሜ በላይ ሆኖብኛል። ውጥረት ያስከተለብኝ፣ አንድ ትልቅ ችግር ሳይሆን የየዕለቱ ውጣ ውረድ እንዲሁም አካላዊና አእምሯዊ ሕመም ያለበትን ባለቤቴን ለብዙ ዓመታት ማስታመሜ የፈጠረብኝ ጫና ነው።”—ጂልa

“ባለቤቴ ጥላኝ ስለሄደች ሁለት ልጆች ያሳደግኩት ብቻዬን ነው። ልጆችን ያለእናት ማሳደግ በጣም ከባድ ነው። በዚያ ላይ ደግሞ ከሥራ ተባረርኩ፤ መኪናዬን የማሠራበት ገንዘብ እንኳ አልነበረኝም። ምን ማድረግ እንዳለብኝ ግራ ገባኝ። ውጥረቱ ከአቅሜ በላይ ሆኖብኝ ነበር። ራስን ማጥፋት ትክክል እንዳልሆነ ስለተሰማኝ አምላክ ሕይወቴን እንዲወስድና ከዚህ መከራ እንዲገላግለኝ ለመንኩት።”—ባሪ