ክርስቲያናዊ ሕይወት

ሃይማኖት የሌላቸው ሰዎች ፈጣሪያቸውን እንዲያውቁ እርዷቸው

ሃይማኖት የሌላቸው ሰዎች ጥሩ ምላሽ እንደማይሰጡ በማሰብ ለእነሱ ከመስበክ ወደኋላ ብላችሁ ታውቃላችሁ? ከሆነ፣ አምላክ የለሾችን ጨምሮ ሃይማኖት የሌላቸው ብዙ ሰዎች የይሖዋ ምሥክሮች መሆን እንደቻሉ አስታውሱ። ብዙዎቹን ለዚህ ያበቃቸው አምላክ መኖሩን የሚያሳየውን ማስረጃ እንዲመረምሩ የተሰጣቸው ጥቂት ማበረታቻ ነው።—ሮም 1:20፤ 10:14

እምነት የለሽ ሰዎች እምነት ሊያዳብሩ እንደሚችሉ አስታውሱ!—ሃይማኖት የሌላቸው ሰዎች የሚለውን ቪዲዮ ተመልከት፤ ከዚያም የሚከተለውን ጥያቄ ለመመለስ ሞክር፦

የቶማዞ ተሞክሮ ሃይማኖት ለሌላቸው ሰዎች ስለመስበክ አዎንታዊ አመለካከት ለመያዝ የሚረዳህ እንዴት ነው?

መልስህ

ይህን ማድረግ የሚቻለው እንዴት ነው?

አንድ ሰው በአምላክ እንደማያምን ከገለጸ በደግነትና በዘዴ ያዙት፤ እንዲሁም ስለ ጉዳዩ ያለውን አመለካከትና ስሜት ለመረዳት ጥረት አድርጉ። (2ጢሞ 2:24) ትኩረቱን ሊስቡ የሚችሉ ርዕሰ ጉዳዮችን አንሱ። ብዙዎች በፈጣሪ መኖር እንዲያምኑ ያደረጓቸውን ማስረጃዎች በተመለከተ ለመወያየት ፈቃደኛ ነው? ከሆነ፣ ለዚህ ዓላማ ተብለው የተዘጋጁትን ጽሑፎችና ቪዲዮዎች ተጠቀሙ። ሕይወት የተገኘው በፍጥረት ነው? እና የሕይወት አመጣጥ—መልስ የሚያሻቸው አምስት ጥያቄዎች የተባሉት ብሮሹሮች በማስተማሪያ መሣሪያዎቻችን ውስጥ ተካተዋል፤ ይህም በቀላሉ እንድናገኛቸው ይረዳናል።

በአምላክ ለማያምኑ ሰዎች ምሥራቹን ስለመስበክ ስታስቡ መጀመሪያ ላይ ፍርሃት ይሰማችሁ ይሆናል። ተሞክሮ ያለው አስፋፊ እንዲረዳችሁ ለምን አትጠይቁም? ይሖዋ በእሱ መኖር የማያምኑ ሰዎችን ጨምሮ ወደ ዘላለም ሕይወት የሚመራ ትክክለኛ የልብ ዝንባሌ ያላቸውን ሰዎች ለመርዳት ሊጠቀምብን እንደሚችል አስታውሱ።—ሥራ 13:48