የይሖዋ ምሥክሮች በዓለ ትንሣኤን የማያከብሩት ለምንድን ነው?

የተሳሳቱ ግንዛቤዎች

የሚባለው፦ የይሖዋ ምሥክሮች በዓለ ትንሣኤን የማያከብሩት ክርስቲያን ስላልሆኑ ነው።

ሐቁ፦ ኢየሱስ አዳኛችን እንደሆነ እናምናለን፤ ‘የእሱን ፈለግ በጥብቅ ለመከተልም’ ጥረት እናደርጋለን።—1 ጴጥሮስ 2:21፤ ሉቃስ 2:11

የሚባለው፦ ኢየሱስ ከሞት እንደተነሳ አታምኑም።

ሐቁ፦ ኢየሱስ ከሞት እንደተነሳ እናምናለን፤ የእሱ ትንሣኤ ለክርስትና እምነት መሠረት እንደሆነ ስለምንገነዘብ በስብከታችን ላይ ትልቅ ቦታ እንሰጠዋለን።—1 ቆሮንቶስ 15:3, 4, 12-15

የሚባለው፦ በዓለ ትንሣኤን ስለማታከብሩ ልጆቻችሁ እንዲደሰቱ አትፈልጉም።

ሐቁ፦ ልጆቻችንን እንወዳቸዋለን፤ እነሱን ለማሠልጠንና ለማስደሰት የተቻለንን ሁሉ እናደርጋለን።—ቲቶ 2:4

የይሖዋ ምሥክሮች በዓለ ትንሣኤን የማያከብሩት ለምንድን ነው?

• በዓለ ትንሣኤ መጽሐፍ ቅዱሳዊ ድጋፍ የለውም።

• ኢየሱስ እንድናከብር ያዘዘን የሞቱን መታሰቢያ እንጂ ትንሣኤውን አይደለም። መጽሐፍ ቅዱስ ላይ በተገለጸው የጨረቃ አቆጣጠር መሠረት የሞቱን መታሰቢያ በየዓመቱ እናከብራለን።—ሉቃስ 22:19, 20

• ከበዓለ ትንሣኤ ጋር የተያያዙ ልማዶች ምንጫቸው ጥንታዊ የመራባት አምልኮ ሥርዓት በመሆኑ በዓሉ በአምላክ ዘንድ ተቀባይነት የለውም። አምላክ “ቀናተኛ” በመሆኑ እሱ የማይፈልጋቸው ልማዶች ያሉበት የአምልኮ ሥርዓት ያሳዝነዋል።—ዘፀአት 20:5፤ 1 ነገሥት 18:21

በዓለ ትንሣኤን ላለማክበር ያደረግነው ውሳኔ የተመሠረተው በመጽሐፍ ቅዱስ ላይ ነው፤ ምክንያቱም መጽሐፍ ቅዱስ በሰዎች ወግ ከመመራት ይልቅ ‘አስተውለን እንድንለይ’ ያበረታታናል። (ምሳሌ 3:21፤ ማቴዎስ 15:3) ሰዎች ስለ በዓለ ትንሣኤ ያለንን አመለካከት ከጠየቁን አቋማችንን ከመናገር ወደ ኋላ ባንልም እያንዳንዱ ሰው የራሱን ውሳኔ የማድረግ መብት እንዳለው ስለምናውቅ የሌሎችን ምርጫ እናከብራለን።—1 ጴጥሮስ 3:15