Misamaan Ngangaˈay Pakatengil to Sowal no Kawas?

Pakaynian no Kawas i Fangcalay Cudad a pasowal kitanan. 2 Timoti 3:16

Palimoˈotan no Kawas ko tamdaw papitilid to harateng Ningra i cecay fangcalay a cudad. O Fangcalay Cudad koninian. Ilalomaˈ no Fangcalay Cudad, iraay ko masaka limelaan a lihaf, maolahay ko Kawas to sakafanaˈaw iso.

O naitiniay i Kawas ko kihecod soˈlinay a taneng, mafanaˈay Cingra to manan ko sangaˈayay i kitanan. Deng ano tengilen a mihakelong ko Kawas, ngangaˈay ira ko soˈlinay a taneng iso.​—⁠Taneng 1:⁠5.

Maolahay ko Kawas to kahacecacecay tamdaw miˈosi to Fangcalay Cudad. Anini, adihayay a sasowalan a mahongyak ko Fangcalay Cudad.

Ano ciharatengay kiso to sapitengilaw a mihakelong to Kawas, miˈosi kiso to Fangcalay Cudad, cipinang to Fangcalay Cudad.

Icowacowa iraay ko mihakelongay to Kawas. Matay 28:19

O Misawacayay Tamdaw ni Yihofa ngaˈay padama tisowanan cipinang to Fangcalay Cudad.

Itini i polong no hekal, pakafanaˈay to tamdaw cangra cipinang to soˈlinay kimad no Kawas.

Ngaˈayay kiso tayra i cangraan miasip to Fangcalay Cudad, cowa ka papayci koninian. Ngaˈayho kiso tayra i kasaˈopoan nangra mafanaˈ to Kawas.