Cima ko Kawas?

Deng cecayay ko Kawas, o ngangan Ningra ci Yihofa. (Kasadakan 3:15) Itiniay i kakarayan ko kitiraan Ningra, o ˈadingoan ko tireng, cowa ko mamaˈaraw no mita. Maolahay Cingra kitanan, mahemekay kitanan maolah i Cingranan. Halo mahemekay kitanan a mikaolah to tao. (Matay 22:35-40) O saˈakawangay a Tatapangan Cingra, nisangaˈay to kihecod dafong a soˈlinay Kawas.

Saˈayaway a sangaˈen no Kawas ko cecay ˈadingoan a tireng, onini ˈadingoan a tireng, ikor ci “Yis Kristo” hananay ko ngangan. Misangaˈayho ci Yihofa to ˈalomanay a coyoh.

Misangaˈan ni Yihofa ko kihecod i kakarayanay . . . ato iseraay a kihecod. Paˈarawan 4:11

Kawas ci Yihofa misangaˈay to foˈifoˈis, sera ato iseraay a kihecod.—Satapangan 1:1.

Tano seraan Ningra misangaˈ ko sakacecay a faˈinayan ci Atam.​—Satapangan 2:7.