Cima ci Yis?

Miocoran ni Yihofa ci Yis tayni i hekal. 1 Yohani 4:9

Ano miharatengay kita to sakahemekaw ni Yihofa, tengilen a mihakelong ko kanonoˈan a wawa Ningra. Iti:ya taˈayaw no pisangaˈ ni Yihofa ci Ataman, itini i kakarayan misangaˈan ko cecay ciˈicelay a noˈadingoan a tireng.

Ikor, pataynian ni Yihofa koni noˈadingoan a tireng, hofocen i Piclihim. O cecay limecedan fafahiyan ko mihofocay, oniya fafahiyan ci Mariya ko ngangan, ora nihofocan ningra a wawa ci Yis hananay ko ngangan.—Yohani 6:38.

O sasowalan o waywayan ni Yis i hekal, malefotay a patahekal to fangcalay capeling no Kawas. Cisidaˈitay cingra, madoloay a ngataen, halo timoloay a pasifanaˈ to tamdaw mafanaˈ to soˈlinay kimad pakayni ci Yihofaan.

Ci Yis o ngaˈayay aca ko nidemakan, kaˈintehan no tao cingra. 1 Pitiro 2:21-24

Ci Yis miadahay to ciadadaay tamdaw, patikol a paˈorip to mapatayay tamdaw.

Misasingsiay no pidoyongan ˈintehay ci Yisan, samanen patahekal ni Yis ko nika mariˈang, ato nika pakafanaˈ nangra to makaniway kimad.

Pasalatan no ˈaˈideman no pidoyongan ko Loma tamdaw, mipekpek a misetiˈ ci Yisan, mipatay cingraan.