Saka 8 Fedengan
O Patay ni Yis o Maan ko Tatodong i Tisowanan?
Mapatay ci Yis, ngaˈay kita tahadaˈoc ko ˈorip. Yohani 3:16
Mapatayto ci Yis to tolo a romiˈad, iraay ko papina fafahiyan tayra i tadem ningra a minengneng, ˈarawhan awa maˈaraw ko maan. Mipatikolanto ni Yihofa paˈorip ci Yis.
Ikor tayraay ci Yis i kaˈayaw no tarokos paˈaraw i cangraan.
Patikolan ni Yihofa paˈorip ci Yis, malo caayto kapatay a noˈadingoan a tireng, taˈangayay ko ˈicel ningra. O nisawawaan ni Yis maˈaraway nangra ko nika talakakarayan ningra.
Patikol maˈorip ci Yis, mala Hongti i Kitakit no Kawas. Taniil 7:13, 14
Ci Yis toha sapilidongaw to tamdamdaw, pafeliay to ˈorip cingra malo sapatefoc. (Matay 20:28) Micadaan no Kawas koni sapatefoc, toha saka ngaˈayaw ita midaˈoc a maˈorip.
Mipatirengan ni Yihofa ci Yis mala Hongti mikowan to polong no sera, iraayho ko 144,000 a madimadiay tamdaw mikalacafay ci Yisan, oriraan tamdaw o naitiniay i sera patikolay maˈorip tayra i kakarayan. Ci Yis atoya 144,000 a madimadiay tamdaw itiniay i kakarayan a malo Hongti Kitakit no Kawas, o moecelay a mirikecay kora.—Paˈarawan 14:1-3.
O Hongti Kitakit no Kawas o papalakoing to sera. Tahirato itiya, awato ko lalood i hekal, tatiihay a demak, manikaway, macahiway. O tamdaw maemin wa lipahak ko kaˈorip.—ˈOlic 145:16.