Katimolo, Aka Matalaw

Samaanan ni Yis Midemak

IKA: Mitosilan ni Yis ci Cakay

1. Nengnengen ko IKA, anca miˈosi to Luka 19:1-7. Ikor haratengen ko salicay:

1. Hano eca ka kahi ko tamdaw kalacafay ci Cakayan hani?

2. Hano tosilenho ni Yis cingra hani?

Mikitini i Midemakan ni Yis, O Manan ko Mananamay Ita?

2. Katimolo kita, ngaˈ patenak to lihaf no Hongti Kitakit i masakenakenaay a tamdaw.

Todongen ci Yis a Misakadademak

3. Tiˈeren ci Yihofa. O fangcalay saocor no Kawas patimoloay ci Yisan a mitosil, oniya ˈicel wa padama tisowanan a timolo. (Matay 10:19, 20; Luka 4:18) Ano matalaw kiso mitosil to tamdaw i, ngitangiten ci Yihofa pafeli tisowanan to timolo.​—Dmak 4:29.

4. Aka a misakakinih. Alatek pakayni i lafa, saaroˈan, cihafayay, manikaway, kaˈorip anca pihakelongan no tamdaw, talotatod sa caka pitosil. Kawra sinanoten:

1. Cowa ka hecad kita ci Yihofa aci Yisan, pafesel minengneng to harateng no tamdaw.

2. Ciˈicelay ci Yihofa padama to tamdaw a mifalic.

5. Pairaen ko timolo, ka pisinanotho. (Matay 10:16) Hamaan a malacongis. Ano cowa ka kahi a mitengil, anca mikariˈangay cingra i, kangodoen a mihererek to sowal a miliyas.​—Taneng 17:14.