Salicay No Miˈosiay Tamdaw

Ano cowa ko mararamoday a faˈinayan ato fafahiyan, itini awaay ko tatodong a lalangian malacafay a mafotiˈ, ciraraway to aiingen a raraw han?

Hay, cowa ko mararamoday a faˈinayan ato fafahiyan, itini awaay ko tatodong a lalangian malacafay mafotiˈ, o ihkalay a wacay konini, paihkal to mifekaday ko madadiˈiay a malafoay a demak, wa patirengen ko miiingay a misaysay.​—1 Korinto 6:18.

ˈAyaw no patireng to miiingay ko kasacefang no malohemay malitengay, wa misongilaˈmiharateng to cecaceay pakayraan. Tinakoen, oniya faˈinayan fafahiyan makakaolahay hokira? Pakayni waywayan nangra na mihadakay ko malohemay malitengay to sapirikec hokira? Hano malacafay cangra a mafotiˈhani? O maharekayto cangra a mihalaka han? Itini toniya demak iraay ko roma papiliˈen nangra han? Iraay ko lalangian to sasiniˈadaen, tinakoen mifekaday ko cowa ka harateng anca kacalohan a pakayraan, hato mapacieciay cangra a malacafay mafotiˈhan? (Patnakay 9:11) Icowaay cangra a mafotiˈ? Ano cowa ka hecahecad ko pakayraan, iraay ko roma a lalangian to haharatengen no kasacefang no malohemay malitengay.

Ano maharek a mihapinang ko kihcod a wacay i, wa misaˈosi ko kasacefang no malohemay malitengay to papatireng to miiingay a demak.