Tano Makoracay ato Misakaretengay a Waywayan Misemer to Falocoˈ no Raramod

O romaroma ciraramodayto a fafahiyan ta mala Krisciyangto cangra i, padamaay to faˈinay micada to kimad, milingatay to ngaˈayay a waywayan nangra ko saka haen. Nikawrira, oha mamihadidi cangra to halafinay a miheca alatek, ngaˈ maˈaraw ko matiniay ngaˈayay a minaroˈan. (1 Pitiro 2:21-23; 3:1, 2) Ano misiˈayaway kiso to pisafelit no raramod a marorayen i, aka pisawad, kao ngaˈayay ko sapilowid to tatiihay. (Loma 12:21) O ngaˈayay a taˈarawan iso aira ko epoc, mikikakaay to kasomowal aca iso.

Kitinien i pinengneng no raramod a misinanot ko demak. (Filipi 2:3, 4) Pairaen ko sidaˈitay, hapinangen ko falocoˈ ningra, kiemelen a milaheci ko ˈinorong no fafahi. Songilaˈen mitengil ko sowal no raramod. (Yakop 1:19) Pairaen ko mihadidiay falocoˈ, paihkalen ko olah iso to raramod. Soˈlinto cowa ka pihaen ko raramod tisowanan paihkal to sidaˈit a misakareteng tisowanan, aka a maˈisang, samanen misalimlaay ci Yihofa to nika madimadi iso Cingranan a misaˈicel.—1 Pitiro 2:19, 20.

MINENGNENG TO IKA: PAˈICELAN NI YIHOFA KITA MITAMORONG TO ˈINORONG, IKOR PACAˈOFEN KORA ILAENOAY SALICAY:

• Ta ci faˈinay ko salikaka ci Li Siyaw-Moy i, samaanay ko kaˈorip ningra?

• O manan ko misolotay cingranan minanam to Fangcalay Cudad?

• Ta micadato to paputisem cingra i, kamayan misiˈayaw to manan a pasangaray, o manan ko padamaay cingranan pakahadidi?

• Samaanay cingra patado to faˈinay a mitolon?

• Tona makoracay ato misakaretengay ko waywayan, macadaay ningra ko manan a sakaraheker?