Cima ko Tatahidangen no Mako?

To mihecahecaan misaˈicelay kita mitahidang to tamdaw mikihatiya kitanan mirienang to Piharatengan a Saˈopo. O ˈalomanay tamdaw o cowa ko kafanaˈan no mita. O tatahidangen ita ko kafanaˈanto ita a tamdaw. Ano o kafanaˈan nangra a tamdaw ko pafeliay to satahidang tancang i, alatek makahiyay ko tamdaw a mirienang. (yb08-CH 12 fiedac 1 fatac; 14 fiedac 2 fatac) O cima ko tatahidangen iso hani?

• Salawinawina

• Cafay a matayal ato cafay i picudadan

• Sakafiyaw

• Tatikolen milisoˈ a tamdaw ato iti:yaay ato aniniay a mipacekiwan tamdaw

O roma i, lisoˈen no malohemay malitengay koya misawadayto pitosil a salikaka. O kafanaˈan iso a tamdaw ano malinahayto sasamaanen iso hani? Tayni kiso i jw.org wangcan “PAKAYNIAY TAMIYANAN” a mikeni mipiliˈ to “Piharatengan to Kapatay ni Yis a Saˈopo” a mikilim to toki ato kaitiraan no saˈopo. Itini noka pisaday iso toni pakamihecaan a saˈopo, haratengen koya tatahidangen a tamdaw, saˈicelen a mitahidang cangra.