Misadayayto Kiso Mirienang to Piharatengan Saˈopo Han?

I salikoray Pitaˈlifan Lisin, tada iraay ko tatodong, wa mamikinafalah cingra to ˈorip saki tamdamdaw, ikor i, malacafay ko tarokos a mitaheka tono Pitaˈlifan Lisin, dotoc i, patirengay to piharatengan a lisin to mihecahecaan. Ocoranho ningra ci Pitiro aci Yohani, misaday to kalafian a kitiraan. (Luka 22:7-13; nengnengen ko paputalay coka.) O hatiniay maˈoningay patalipaˈelalay kitanan wa songilaˈen no mita misaday ko Piharatengan Saˈopo i ka 3 folad saka 27 romiˈad. Halatek limasmasan no kasakopang mahawpay ko mikimaday, kitiraan, o epang ato epah ato militemohay to lafang a salikaka. Nikawrira sasamaan kita a misaday mirienang to Piharatengan Saˈopo hani?

Sadayen ko falocoˈ iso. Asipen, dotimen ko sinael pakayniay Piharatengan Saˈopo. Mamahela iso ko aasipen a sinael itini Romiˈamiˈad Miasip a Midotim to Sinael a cudad. Anca, miˈosiho kiso to Faelohay Hekal Mihongyakan Fangcalay Cudad satongal a lalakaw B12-A, B12-B. (Nengnengenho ko mwb 20.04) Itini pakalomaˈay a pidoko, ngaˈayay sakadademaken ko Pirorodan to Mitepangan Cudad no Mikecolay ato Pirorodan to Mitepangan Cudad no Misawacayay Tamdaw ni Yihofa a tosaay lalosidan, micekiw to sapatefoc hananay a lalakaw, mikitini mitongal to piakoˈid to sapatefoc.

Tahidangen ko tamdaw a mirienang. Kiemelen mitahidang ko tamdaw mirienang to Piharatengan Saˈopo. Saharateratengen o cimacima ko tatahidangen no miso, patinakoen milisoˈan iso, pacekiwan isaˈayaw, anca kafanaˈan iso ato salawina iso. Limasmasen no malohemay malitengay, polong paselaˈay a mitosilay matahidangayto. Ano sapitahidangaw iso a tamdaw maroˈay i roma a pala i, solapen ko jw.org a wangcan mikeniˈ to PAKAYNIAY TAMIYANAN, dotoc keniˈen ko “O Piharatengan to Kapatay ni Yis a Saˈopo”, mikilim to mingataay cingranan a kitiraan ato toki nonini saˈopo.

Oha saka ngaˈayaw a misaday, wa ngaˈayho kiso misamaan ko demak?