Salimlaen ko Kalalaˈed Iso aci Yihofa

Misawacayay Tamdaw ni Yihofa iraay ko mikiriwiˈay a sapalemed nangra. Tona o micadaayto to paputisem a Krisciyang, iraay ko fadangalan ita makedec ko kalalaˈed to Saˈakawangay a Tatapangan ci Yihofa. Pakayraan Ningra i Wawa no niyah misolot kitanan mingata Cingranan. (Yohani 6:44) Mitengilay Cingra to pitolon ita.—ˈOlic 34:15.

Mamisamaan kita ho caka repat ko nika lalaˈed aci Yihofa? O cecay i, aka pitodong to Israil tamdaw. Ta maherekto cangra matatelek aci Yihofa i, tangsolay a misangaˈ to faco no ekim a okangan kolong, pasayni toni faco a mitaˈong. (Kasadakan 32:7, 8; 1 Korinto 10:7, 11, 14) Licayen ita ko niyah: ‘Ano tahasiˈayaw kako to sakayhid i, samaanay kako hani? O waywayan ako patahkalay to misalimlaay to nika lalaˈed aci Yihofa han?’ Ano maolahay kita to Wama i, wa irato ko ˈicel a miliyas to kaˈintehan Ningra a demak.—ˈOlic 97:10.

Minengneng to Ika: Dipoten ko Kalalaˈed Iso aci Yihofa (Kolosay 3:5), Ikor Pacaˈofen ko Ilaenoay Salicay:

• O manan ko tatodong no ˈanof hananay hani?

• Misamaanay hano aka a maˈanof ato mitaˈong to samiyay kita hani?

• O manan ko kala lecadan no ˈanof ato mitaˈongay to samiyay hani?

• Ciˈinorongay a tamdaw misamaanay hano mangalef a midimokos to saali no raramod ningra?