Mikiriwiˈay a Pitosil i Saka 11 Folad to Hongti Kitakit no Kawas

Ci Yis milasilay to “ngaˈayay lihaf no Hongti Kitakit.” (Luka 4:43) Pasifanaˈayho cingra to tamdaw micangacang to kaira noni Hongti a Kitakit. (Matay 6:9, 10) Itini saka 11 folad, o mamisaˈicel kita milasil to Hongti a Kitakit no Kawas. (Matay 24:14) Songilaˈen ita milimasmas, hongaˈ kiemel kita mirienang. Mala midamaay misakafahay a salikaka toniya folad, ngaˈayay tano 30 anca 50 a tatokian mitosil.

Saˈicelen i kilac mikilim to ˈalomanay tamdaw, padamaen cangra to cecay sinael pakayni Hongti Kitakit no Kawas. Ano masamaanay ko pihakelongan no cilomaˈay, piliˈen ko matatodongay a sinael. Ano mahemekan nanay toya sakina cecay pitosil i, pafelien cingra to sakiˈalomanay a Mikecolay Saka 2 Liyad 2020. Kalikien a patikol milisoˈ, tano itiniay i Lalosidan no Sapasifanaˈ a cudad misatapang malalengo to Fangcalay Cudad. Cowato ka hakowa ko toki, mangataayto ko Hongti Kitakit no Kawas mipereng to kihcod a micoliay a tamdaw. (Taniil 2:44; 1 Korinto 15:24, 25) Mihaenay haw i, kiemelen a mirienang konini mikiriwiˈay a pitosil, patalahkal to misarocoday kita madimadi ci Yihofaan ato Hongti Kitakit Ningra!