Pasowalen ko Tamdaw Airato ko Faelohay Hekal

Saka 11 folad, mamisaˈicel kita paladaˈ to cecay ngaˈayay lihaf: Itiniayto ikaˈayaw ko makapahay faelohay hekal. (ˈOlic 37:10, 11; Paˈarawan 21:3-5) Ngaˈayay salofen iso ko toki misaˈicel mirienang toniya demak. Toniya folad, ngaˈay pangangan to padamaay a misakafahay, tano 30 anca 50 a toki a mitosil.

Sadayen ko milingatay to faelohay hekal a sinael, kiemelen a paladaˈ ko tamdaw. Haratengen o manan a sinael ko kahemekan no ikilacay a tamdaw. I salakatay masasowal i, ano mahemekay ko cilomaˈay pafelien to wp21.02-CH, kalikien a milisoˈ cingra, tano nini a cudad “Layapen ko Midaˈocay ˈOrip!” (Sapitanam a Minanam) a misatapang to pacekiway a demak. Wa mahemek kita misarocod a mitenak to ngaˈayay lihaf, ‘milasil to safangcalay a demak’!—Isaya 52:7.

NENGNENGEN KO JW TILIFI RADIW HALAMHAMEN KO MAKAPAHAY LAKOING, IKOR PACAˈOFEN KO ILAENOAY SALICAY:

• Samaanay ko maharatengay noniya wawa tono ikoran hani?

• O Manamanan a faelohay hekal a demak to hinatalaay kiso hani?

• Songilaˈen a misimsim ko noikoran a hatokel sasamaan padama tisowanan misaday a mirienang to ka 11 folad a mitosilay demak?—Luka 6:45