Wama Winaaw, Pakafanaˈen ko Kaemangay Wawa to Matatodongay a Sifanaˈ

Itiniay kita i palangaˈayay ko tatiihay, palatatiihay ko ngaˈayay a macacoˈisay a hekal a maˈorip. (Isaya 5:20) Ka somadan a demak i, o roma tamdaw midemakay to kaˈintehan a demak no Kawas, mahawpay ko maˈaˈodangay ko faˈinayan to faˈinayan anca fafahiyan to fafahiyan a waywayan. Halatek sapikayhidaw ko cafay no wawa i picudadan, mikihatiya midemak to tatiihay a demak. O sasamaanen no miso padama ko wawa pakalowid to sapakaremo to hatiniay demak hani?

Pasifanaˈen ko wawa to palinian ni Yihofa. (Lifi 18:3) Pahecaden ko mihecaan ato kacipinang nangra, tano Fangcalay Cudad pasifanaˈ to madadiˈiyay demak. (Limoˈot 6:7) Licayen ko niyah: “Misongilaˈan ako pakafanaˈ ko wawa, o masamaanay a pikawing, o matatodongay han? Cirikoˈ to sanengsengay a caˈedong hano kalimlaan? Hano kakangodoen no tao ko notekedan a demak? Ano paˈarawen no tao to kaˈacekan anca papidemak to kapiliˈan no Kawas i, mafanaˈ ko wawa a misiˈayaw han?” Kanaˈayawen pasifanaˈ to madadiˈiyay a demak cangra, ho eca ka dokaˈ. (Taneng 27:12; Patnakay 7:12) Sasongilaˈen no miso ko wawa a pasifanaˈ, misalimla midipot to sapafeli ni Yihofa a hafay.—ˈOlic 127:3.

Nengnengen ko Ika Patanoktoken ko Lomaˈ—Aka Papidokaˈen ko “Tatiihay Demak” to Wawa, Ikor Pacaˈofen ko Ilaenoay Salicay:

• 

  Hano pasangarayen ko roma tamdaw pasifanaˈ to wawa to madadiˈiyay a demak hani?

• 

  O wama wina hano mamitodong to harateng ni Yihofa mirikec ato mikayat to wawa, papadotocen pahatatanam?—Ifiso 6:4 ato ilaenoay safanaˈ

• 

  O manan ko sapakafanaˈ no likakawa ni Yihofa to wama wina itini no madadiˈiyay a sifanaˈ a lalakaw hani?—w19.05-CH 12 fiedac, sapatongal lalakaw

• Misamaanay hano caayho ka tahalifa to pasangaray demak ko wawa, o caceriden milengo cangra hani?