Cima ko Misawidangan Iso i Wangcan?

O sowal no tamdaw, o widang “o masasiolahay, misakaretengay to tamdaw.” Tinakoen, maˈaraw ni Yonatan mapatay ni Tafiti ci Koliyat i, masemeray cingranan, mala tanektekay a malawidang tatosa. (1 Samuil 18:1) Iraay ko mapakahay a capeling nangra, mihaen masasolotay kalacafay. Mansa, sakairaaw no tanektekay a kalawidang, isaˈayawen a tangongol ko kafanaˈ to widang. Mihaen, rariden a misaˈicel mafanaˈ to widang. Kawra, itini pisawidangan a wangcan, keniˈ han iso madoloay mala o “ngaˈayay widang” no tao kita. I wangcan, maherekayto ko tamdaw mihalaka to sasowalen no niyah, patireng to makapahay no niyah a pinengneng, mihaen madoloayto mahimed ko soˈlinay a falocoˈ no niyah. Mihaenay, wa misinanot kita i pisawidangan a wangcan. Ano ira ko coko kafanaˈan iso a tamdaw sapikalawidangaw i, hamaan a matalaw milalang cingranan. Itini i pisawidangan a wangcan, adihayay ko coka hapinang a katalawan, mansa ˈalomanay tamdaw cowa ka misaka dademak to hatiniay a wangcan. Ano tayra kiso toniya wangcan, o manan ko sasinanoten iso hani?

NENGNENGEN KO IKA ITINI PISAWIDANGAN A WANGCAN PAIRAEN KO TANENG, IKOR PACAˈOFEN KO ILAENOAY SALICAY:

• 

  Ano pahadak kiso to sasing ato sasowalen i wangcan i, haharatengen iso ko manan?

• 

  Hano mamisinanot i wangcan kalawidang to tamdaw?

• 

  Hano miˈimer to toki, hamaan adihay ko mipalakan a toki i pisawidangan a wangcan?—Ifiso 5:15, 16