Tano Layapen ko Midaˈocay ˈOrip! a Cudad, Padama to Tamdaw Patireng to Pasoˈlinay Falocoˈ ci Yihofaan aci Yisan

Sapakahemekaw to Kawas ko sito i, palahaden ko tanoktokay pasoˈlinay falocoˈ ngaˈ. (Hipray 11:6) Wa ngaˈay kita tano Layapen ko Midaˈocay ˈOrip! a cudad patemer to falocoˈ nangra. Oniya cudad adihayay ko kalimlaan a sinael, ihkalay ko pitadtad, ciepocay a salicay, mikowaday to harateng a ika ato makapahay a coka. Ngaˈayay padama cangra palahad to makapahay capeling, patireng to ngaˈayay kalalaˈed to Kawas, mahecad tano cowa ko mamatodoh a cayliyaw patireng to lomaˈ.—1 Korinto 3:12-15.

O roma tamdaw pasangaray nanay malawidang to Kawas, samanen cowa ka ˈaraw ko Kawas sanay, mihaenay i, padamaen ita cangra mafanaˈ to makapahay capeling ni Yihofa, patireng to pakasoˈlinay falocoˈ no Kawas.

NENGNENGEN KO IKA TANO LAYAPEN KO MIDAˈOCAY ˈORIP! A CUDAD, PADAMA TO TAMDAW PATIRENG TO PASOˈLINAY FALOCOˈ CI YIHOFAAN, IKOR PACAˈOFEN KO ILAENOAY SALICAY:

• Hano mafanaˈ kita oniya fafahiyan salikaka songilaˈay a misaday tora lalengoen a lalakaw?

• Pakayni i Isaya 41:13, oya fafahiyan salikaka samaanay misongilaˈ a misaday to salicay, padama to sito mihadak to naifalocoˈay a harateng?

• Ikor maˈarawto no sito ko ika ato sinael i, samaanay ko harateng ningra?

Cowa ka fanaˈ ko ˈalomanay tamdaw to sapatefoc ni Yis, anca cowa pisakareteng minengneng to o sapatelong no Kawas ko sapatefoc ni Yis cangranan. (Kalatiya 2:20) Mihaenay i, padamaen ita cangra patireng to pakasoˈlinay falocoˈ to sapatefoc.

NENGNENGEN KO IKA TANO LAYAPEN KO MIDAˈOCAY ˈORIP! A CUDAD, PADAMA TO TAMDAW PATIRENG TO PASOˈLINAY FALOCOˈ CI YISAN, IKOR PACAˈOFEN KO ILAENOAY SALICAY:

• Hano mafanaˈ kita oniya faˈinayan salikaka songilaˈay a misaday tora lalengoen a lalakaw?

• Samaanan ningra tano pakayraan no sito a misaka dademak to “Malalitingay a Lalakaw” padama cingranan?

• Patado to sito a mitolon hano o masaka limlaan hani?