Mahapinangay Iso Samaanay ci Yihofa Pacaˈof to Satolon Iso Han?

Adihayay ko tinakoan i Fangcalay Cudad, to pacaˈofan ni Yihofa ko satolon no madimadiay sikawdan Ningra. Mahapinangay nangra to mitengilan ni Yihofa ko satolon nangra a milayap to kamay a padama, tanoktokayto ko pakasoˈlinay falocoˈ. Mihaenay ihkalen ita ko satolon, hapinangenho misamaanay pacaˈof ci Yihofa. Haratengen, tano maanan a pakayraan a pacaˈof to satolon ci Yihofa, nolatekay cowa ka hecad ko saali ita, alatek mataˈlifay to saali ita. (2 Korinto 12:7-9; Ifiso 3:20) Sasamaan ci Yihofa pacaˈof to satolon ita hani?

• Pairaen ko tanoktokay ita a tireng, pakasoˈlinay falocoˈ ato rihadayay falocoˈ misaysay to pasangaray.—Filipi 4:13

• Pafeli kitanan to inaneng, citaneng a misaˈosi.—Yakop 1:5

• Pafeli kitanan to makalimay ato ˈicel, talaˈayaw a dademak.—Filipi 2:13

• Ano carirawen kita i, padama kitanan mitafo to rihaday.—Filipi 4:6, 7

• Pakayni i nodafongan ato olah no tao a midama kitanan.—1 Yohani 3:17, 18

• Padama toya masowalay ita i satolon a tamdaw. —Dmak 12:5, 11

NENGNENGEN KO IKA ‘O MITENGILAY TO SATOLON A TAPANG’ CI YIHOFA, IKOR PACAˈOFEN KO ILAENOAY SALICAY:

• Ano cowa ka ngaˈay ko tireng ita citolasay ko midemakan, nalifetan nonini a faˈinayan salikaka, sasamaan kita milifok to sapakalalok?

• Sasamaan kita mitodong toniya salikaka hani?