I Hakelong no ˈOrip ko Raramod

O malaˈosiay a raramod, paˈdilay to ngangan ni Yihofa, wa lipahak ko raramod tatosa. (Marko 10:9) Ano sakairaaw no mahemekay a raramod no miso, mipiliˈ to hararamod i, saˈicelen a mitoor ko safalod no Fangcalay Cudad

Palimoˈotay ko Fangcalay Cudad kitanan ‘mataˈlifto ko kapah a liyad’ i, ngaˈ mikiyarok, samanen toniya liyad, maˈacangay ko pinangan, mafiyoray ko harateng a mipiliˈ. (1 Korinto 7:36) Saˈicelen, tano cowaho ciraramod kiso a patanektek to kalalaˈed iso ato Kawas, palahad to makapahay capeling. Mihaen i, ano ciraramod kiso noikor, wa madoloto a malo ngaˈayay a faˈinay ato fafahi.

ˈAyaw no mamisaˈosi kiso to raramod i, pairaen ko toki a mihapinang to hatatodong ‘sasamaanay ko harateng, falocoˈ ato waywayan ningra.’ (1 Pitiro 3:4) Ano cisasaay kiso to pinangan ningra, kilimen cingra a milengo. O raramod hananay mahecaday to kalalaˈed to tamdaw, haharatengen to sasamaan kako a padama cingra, cowa ko sapilifokaw to manan nai tireng ningra. (Filipi 2:3, 4) ˈAyaw no ciraramod, mitoor to safalod no Fangcalay Cudad, wa ngaˈay paira to lipahakay a raramod a taenengan.

NENGNENGEN KO IKA SAKAPAH HAN A MISADAY KO RARAMOD—SAKA 3: SAˈOSIEN KO HAˈACA, IKOR PACAˈOFEN KO ILAENOAY SALICAY:

• Isalakat, oniya fafahiyan salikaka ato cafay ningra samaanay hani?

• Ikor no cecay liyad, mahapinang ningra ko masamaanay a capeling no cafay ningra?

• Samaanay ko sapadama no wama wina ningra? Ikor samaanay ko saˈosi ningra?