Layapen ko Midaˈocay ˈOrip! Tada Mikiriwiˈay a Cudad

Onini Layapen ko Midaˈocay ˈOrip! a cudad, ilalomaˈ a ika ato mikidatay to sapidotim a salicay, maolahay kiso han? Oya “Ano Ira ko Somowalay,” “Patosokan,” ato “Malalitingay a Lalakaw,” samaanho hani? Oniya cudad iraayho ko manamanan mikiriwiˈay, to sapilengo to Fangcalay Cudad, iraay ko sapadama han?—Matay 28:19, 20.

Ika ato Malalitingay a Lalakaw: Ano tano miinsacan a Layapen ko Midaˈocay ˈOrip! a cudad ko sapilengo to Fangcalay Cudad i, sasamaan kaliki a mahela ko malalitingay a lalakaw? Ngaˈay kiso itini i pingpan, soci a mikeniˈ to cecay a fedengan, tayra ilaeno, keniˈen kora Ika ato Malalitingay a Lalakaw, wa mahadakto ko romaroma a malalitingay a lalakaw. (Nengnengen ko saka 1 coka.)

Miˈosi to “Miinsacan”: Ano tano soci, pingpan ko sapilengo i, ngaˈay malacafay to sito minengneng to miinsacan a fedengan. Keniˈen i kawanan fafekang a toloay ko tongaw, ikor keniˈen ko “Miˈosi to Miinsacan,” wa padama to sito mihapinang, ora milengoan a lalakaw ato oniya fedengan a lalangian misamaanay a malaliting. Mahecaday, keniˈen koniya toloay a tongaw, ngaˈayto patikol toya isaˈayaway.

“Maherekayto Kako Misaday Han?”: Iraay ko cecay sapatongal lalakaw i teloc noniya cudad, ano mala mitosilay ato micada to paputisem matatodong ko masamaanay a saali. (Nengnengen ko saka 2 coka.)

Sapatongal a Lalakaw: Itini i saikoray a sapatongal a lalakaw, pacalepay a mitadtad to masakalimlaan a lalangian. Ano tano pingpan miˈosi toniya lalakaw i, ilaeno iraay kora sapalaliting a pakayraan, ano sapatikolaw tora isaˈayaway i, keniˈ han patikolayto. (Nengnengen ko saka 2 coka.)