O KAˈORIP NO KRISCIYANG
Tongalen ko Pakasoˈlinay Falocoˈ to Fangcalay Cudad
Mifalicay ko Fangcalay Cudad to kaˈorip ita. (Hipray 4:12) Salakat pakasoˈlin kita to ‘o kimad no Kawas’ ko Fangcalay Cudad, ngaˈ midofdof to sakayat ato sapalimoˈot. (1 Tisalonika 2:13) Samaan kita mitongal to pakasoˈlinay falocoˈ to Fangcalay Cudad hani?
To romiˈamiˈad miˈosi to Fangcalay Cudad. Ano miˈosi sinanoten, icowaay a wacay to o ni Yihofa koniya tilid. Tinakoen, sapalimoˈot no Taneng cowa ko matelangay, ngaˈayayho padama to aniniay a tamdaw.—Taneng 13:20; 14:30.
Miˈosi to malalitingay a lalakaw. Hapinangen to icowaay a wacay to o Kawas ko mikayatay to tamdaw a miˈoning to Fangcalay Cudad. Itini i 《檢索手冊》 ilalomaˈ no “FANGCALAY CUDAD” > “O PATEMERAN NO KAWAS A KIMAD”, wa maˈaraw iso ko adihayay milingatay a lalakaw. Ngaˈayayho kiso i Faelohay Hekal Mihongyakan Fangcalay Cudad Sapatongalaw Lalakaw A3, wa mafanaˈto kiso to cowa ka falic ko tilid no Fangcalay Cudad.
NENGNENGEN KO IKA HANO PAKASOˈLIN KITA TO—SOWAL NO KAWAS, IKOR PACAˈOFEN KO ILAENOAY SALICAY:
Ya matoˈtoˈay tilid i lowil no efiw no Icip, samaanay misawacay to o soˈlinay ko sowal no Fangcalay Cudad hani?
Hano mafanaˈ kita to cowa ka falic ko tilid no Fangcalay Cudad?
Tahanini materek ko Fangcalay Cudad, misamaanay misawacay to o soˈlinay ko Kimad no Kawas hani?—ˈOsien ko Isaya 40:8