Tano Cokaen a Miharateng

Alatek mahecaday kiso to ˈalomanay tamdaw, pasangaran nanay miharateng to mananamay iso a lalakaw. Kawra mahapinangay iso, o sapatinako ni Yis madoloay maharateng han? Hano mahaen hani? Samanen matengil ita koniya sapatinako i, itini i ponoˈ ita iraay ko coka a maharateng, oniya coka mamitongal to miharatengan. Mahecaday toni, ano tanamen iso pala cokaen kora mananamay iso a demak, wa pakaharateng to adihayay. Samaanen ko demak hani? Ano mikingkiw i, konisen koya kalimlaan to mananamay iso.

Sanay ko mikakingkiway a tamdaw, oya mikonisay to faelohay mananamay a tamdaw, cowa ko mamatawal. Mahapinang nangra, o hatiniay a pakayraan cowa aca padama to pakaharatengay to tilid, pakaharatengayho to cowa ko soˈlinay maˈaraway a demak. O micokaan nangra cowa ka sasifod, o kantangay a coka. Mahapinangayho no mikakingkiway, tano cokaen a miharateng tada padamaay to malitengay.

Anoikor mikingkiw i, tanamen a micoka ko mananamay iso. Alatek fahkaˈ sa kiso pakahapinang to adihayay ko maharatengay no niyah!