‘Mananamay ni Yis ko Midofdofay’

Padadotocay ci Yis midofdof ci Yihofaan. (Yohani 8:29) Ano hatiraay i, hano masowal no Fangcalay Cudad ‘nai pades mananamay ko midofdofay’ cingra hani?—Hipray 5:8.

I fafekangho no sera masiˈayaway ni Yis a pakayraan cowa ka hecad to ikakarayan. Soˈlin o wama wina ningra maolahay ci Yihofaan, kawra sahtoay cowa ka lefot a tamdaw. (Luka 2:51) Itiya a ˈaˈideman no kalodoyongan tada mapoheday, o mirikecay no sifo cowa ka sadafdaf, adihayay ko roray ni Yis a misemsem. (Matay 26:59; Marko 15:15) Roma i, misemsemay ci Yis to kapatay. Sowal no Fangcalay Cudad, ‘misapoeneray ko demak ningra, midofdofay tahira i patay, hanaca mapatayay itini pisemseman a hecek.’—Filipi 2:8.

Oniya nalifetan ni Yis itini fafekang no sera i, iraay ko hatoki ningra tano safaelohay a pakayraan minanam to midofdofay. Mihaenay, sidaˈitay cingra to nika lonay no mita, malo malefotay a Hongti ato Sakakaay a Saysi. (Hipray 4:15; 5:9) Naitini i pades minanamay to midofdofay ikor, itini pinengneng ni Yihofa mangalefay ko masakalimlaan. Mahecadayto, ano tahalifa kita to pasangar i, padadotoc a midofdof ci Yihofaan, itini pinengneng ni Yihofa tada ciepocay kita, ngaˈay manilnil Ningra kita a midemak to masakenakenaay a tayal.—Yakop 1:4.