Saka 5 Fedengan

Taˈangayay Lenlen a Saparikec —Cima ko Mitengilay? Cima Caay Pitengil?

Itini lintad ni Nowa, ˈalomanay tamdaw midemakay to tatiihay demak. Satapangan 6:5

Mariˈangay coyoh malo tamdaway ko tireng micawma to fafahiyan

Ci Atam aci Ifa mihofoc to wawa, ˈaloman ˈalomanto ko tamdaw i sera. Ikor iraay ko romaroma coyoh, mihakelongay ci Satanan a micoli to Kawas.

Tayniay i sera cangra, mala tamdaway, cifafahi to fafahiyan no tamdaw. O nihofocan nora fafahiyan malo tataˈangay a tamdaw, taˈakayay ko ˈicel, mariˈangay ko pinangan.

Misetiˈay ko cecay faˈinayan kaemangay tora mitatiway to mimingay wawa fafahiyan; Tataˈangay a tamdaw, mariˈangay coyoh, mikariˈangay ko demak

Itiya, icowacowa matenakay ko tatiihay tamdaw, tatiihay a demak. Saan ko sowal no Fangcalay Cudad: Maˈaraw ni Yihofa ko nika adihay no tatiihay demak no tamdaw, saheto o tatiihay ko niharatengan to romiˈamiˈad.

Mitengilay a mihakelong to Kawas ci Nowa, misangaˈ to tamina. Satapangan 6:13, 14, 18, 19, 22

Ci Nowa, o ngaˈayay a tamdaw. Pasowalan ni Yihofa ci Nowa, tano taˈangayay lenlen a mipalaˈafo to tatiihay tamdaw Cingra.

Misangaˈay to tamina ci Nowa ato paro no lomaˈ

Ocoren no Kawas ci Nowa, papisangaˈ to cecay taˈangayay a tamina, papipacomoden ci Nowa to paro no lomaˈ ato kahirahira a ˈaˈadopen ilalomaˈ no tamina.

Paratohay to tamdaw ci Nowa to aaira ko lenlen kawra matawaay

Aira ko Taˈangayay Lenlen, han ni Nowa parikec ko tamdaw, kawra, cowa pitengil ko tamdaw. O roma tamdaw matawaay i cingraan, o roma mikaˈintehay i cingraan.

Ci Nowa ato paro no lomaˈ milawpay to pinaˈorip micomod i tamina

Maherekto masangaˈ ko tamina, pacomodanto ni Nowa ko ˈaˈadopen.