O Lihaf no Taykay

MIKIRIWIˈAY SAˈOPO

TAYAL I PITIL Pakayni saka tayalaw i Pitil a saˈopo wa itini saka 1 romiˈad kalahokan a masaˈopo. O maharekayto mainoˈ a mitosilay, laenoay no 35 ko mihecaan, ciharatengay matayal i Pitil, sadayen ko toki mirienang. Kitiraan no saˈopo ato toki, tengilen ko safanaˈ no taykay.

SKE O saˈopo no Pahatatanamay to Mitosilay to Kitakit a Tamdaw, wa itini pilipayan kalahokan a masaˈopo. Makalimay sapicowataw to demak, itini 23 tahira 65 ko mihecaan, sadayen ko toki a mirienang. Kitiraan no saˈopo ato toki, tengilen ko safanaˈ no taykay.

O LIHAF NO TAYKAY

MILITEMOHAY MICADA TO TAMDAW Mahemekay ko militemohay micada to tamdaw padama tisowanan. Pakayni piterek to kamaroˈan, pitelian to paliding, misilsil to ˈalomanay tamdaw, hakelongen ko sakayat no militemohay micada a tamdaw, malacecay cangranan.

MICADA TO INOˈ O kamaroˈan no mamicada to inoˈ itiniay i kaˈayaw no pikimadan, anca o misaˈosian toya romiˈad a kitiraan. Oya micada to inoˈ a tamdaw, itini ˈayaw no painoˈay kimad i papacem no saka 2 romiˈad, maroˈto i kamaroˈan no mamicada to inoˈ. O mamicada to inoˈ a tamdaw o niyah ko misaday to sasifin ato matatodongay a rikoˈ.

PAKIYAHO Pakayni saka lipahakaw no mirienangay to taykay a tamdaw a minanam to inaneng ni Yihofa, matongal ko pingata to Kawas, adihayay ko mapalakay a payci no taykay misaday to adihayay kamaroˈan, laciyo ato sapinengneng to ika. Ora naifalocoˈay a kiyaho iso, wa saka dademaken i pitaykayan ato mitosilay a demak i polong no kakarayan. Itini taliyok no pitaykayan iraay mateli ko pakiyahoan a hako, o kihecod a kiyaho masaka limlaan. Miakoˈiday ko Malohemay Malitengay i Congpo to sadama namo to demak no Hongti Kitakit no Kawas.

MACALOHAY SADAMA Sinanoten, o macalohay sadama no taykay OYAAN ACA MACALOHAY ko saali a tamdaw ko papadamaen.

PIALAAN TO MAHIDAYAY DAFONG Kihecod a mahidayay dafong patayraen i pialaan to mahidayay dafong a miteli. Ano mahidayay ko dafong iso, ka tayra pialaan to mahidayay a milicay. Ano masiwala ko kaemangay, keriden patayni toniya kitiraan. Kawra sinanoten, oniya pitelian to mahidayay dafong cowa ko paikenan to wawa a kitiraan. O kakala cafayen no wama wina ko wawa, songilaˈen a mihimaw cangra.

KAMAROˈAN Patadoen ko roma tamdaw miharateng, oyaan aca salawina, cafay mikalic to paliding, mahecaday ko kitiraan, anca pacekiwan iso a tamdaw ko papatadoen miterek to kamaroˈan. Ano cowa ko mamiterek to kamaroˈan, hamaan telien ko dafong i kamaroˈan.

O MAKALIMAY A MATAYAL Ano ciharatengay kiso matayal i taykay, wa ngaˈay tayra i makalimay matayal a milicay ato patilid to ngangan.